بالائی خیبرپختونخوا، گلگت بلتستان ، کشمیر ، شمال مشرقی پنجاب ،مری ، گلیات، خطہ پوٹھوہار اور اسلام آباد میں مزید بارش ،پہاڑوں پر برف باری کا امکان

اسلام آباد (اُردو پوائنٹ اخبارتازہ ترین - اے پی پی۔ 03 مارچ2025ء) محکمہ موسمیات نےانتباہ جاری کرتے ہوئے پیر کی رات اور (کل)منگل کی صبح کےد وران درمیانی سے شدیدبارش/برف باری کے باعث مری، گلیات، ناران، کاغان، دیر، سوات، کوہستان، مانسہرہ، ایبٹ آباد، شانگلہ، استور، ہنزہ، سکردو، وادی نیلم، باغ، پونچھ، حویلی میں سڑکوں کے بند ہونے اور پھسلن کی وجہ سے ٹریفک کی روانی میں خلل کا اندیشہ ظاہر کیا ہے، کشمیر ، گلگت بلتستان ، خیبر پختونخوا کے پہاڑی علاقوں ، مری اور گلیات میں لینڈ سلائیڈنگ/برفانی تودے گرنے کا خطرہ ہے اوربارش اور برف باری کے دوران سیاحوں کو محتاط رہنے اور غیر ضروری سفر سے اجتناب کرنے کی ہدایت کی ہے۔

محکمہ موسمیات کے مطابق بالائی خیبرپختونخوا، گلگت بلتستان ، کشمیر ، شمال مشرقی پنجاب ،مری ، گلیات، خطہ پوٹھوہار اور اسلام آباد میں وقفہ وقفہ سے تیز ہواؤں اور گرج چمک کے ساتھ مزید بارش اورپہاڑوں پر برف باری کا امکان ہے ۔

(جاری ہے)

اس دوران چند مقامات پر موسلادھار بارش اور پہاڑوں پر شدید بر ف باری کی توقع ہے۔ (کل )منگل کو ملک کےبیشتر علاقوں میں موسم سرد اور خشک رہنے کا امکان ہے تاہم گلگت بلتستان ، کشمیر ، شمال مشرقی پنجاب ،مری ، گلیات، خطہ پوٹھوہار اور اسلام آباد میں صبح کے اوقات میں تیز ہواؤں اور گرج چمک کے ساتھ چند مقامات پر بارش اورپہاڑوں پر بر ف باری کا امکان ہے۔

گذشتہ 24 گھنٹوں کے دوران خیبرپختونخوا، بالائی/وسطی پنجاب، اسلام آباد، کشمیر، شمال مشرقی بلوچستان اور گلگت بلتستان میں گرج چمک کے ساتھ بارش اورپہاڑوں پر برف باری ہوئی۔ ملک کے دیگر علاقوں میں موسم خشک رہا۔ سب سے زیادہ بارش خیبرپختونخوا میں مالم جبہ 59، کاکول 45، کالام 36، بالاکوٹ 31، پٹن 30، چراٹ 28، دیر (بالائی 24، زیریں 16)، پشاور (ایئرپورٹ 23، سٹی 19)، باچا خان ایئرپورٹ، سیدو شریف21، تخت بائی 18، بنوں 15، چترال 11، میرکھانی 07، دروش 06، ڈی آئی خان (سٹی، ایئرپورٹ 02)، کشمیر میں گڑھی دوپٹہ 38، مظفرآباد (ایئرپورٹ 34، سٹی 24)، راولاکوٹ 22، کوٹلی 12، پنجاب میں راولپنڈی (چکلالہ 35، کچہری 25، شمس آباد 21)، اسلام آباد (ایئرپورٹ 23، گولڑہ28، سید پور23،زیروپوائنٹ22،بوکرا20)،اٹک 20، مری 12، منگلا، جہلم، چکوال، جھنگ 05، منڈی بہاؤالدین، گجرات 04، حافظ آباد 03، گوجرانوالہ، کوٹ ادو 02، سیالکوٹ (سٹی، ایئر پورٹ 02)، ملتان (ایئرپورٹ) ، جوہر آباد، ٹوبہ ٹیک سنگھ، ساہیوال، اوکاڑہ، نارووال، سرگودھا، لاہور (ایئرپورٹ)01، گلگت بلتستان میں سکردو 07، استور02، چلاس، بگروٹ 01 اور بلوچستان میں ژوب 06، کوئٹہ 02، قلات، خضدار میں 01ملی میٹر بارش ریکارڈ ہوئی۔

مالم جبہ 19، کالام 18، مری 3.5،ا سکردو 01 جبکہ بگروٹ، استور، زیارت میں ہلکی برف باری ہوئی۔پیر کو ریکارڈکئے گئے کم سےکم درجہ حرارت لہہ منفی09، پاراچنار،بگروٹ، کالام منفی03، استور، گوپس اور مالم جبہ میں منفی 01 ڈگری سینٹی گریڈ ریکارڈ کیا گیا ۔