Live Updates

بجلی کی قیمت 10 روپے کم ہونی چاہیے،فاروق ستار

رواں سال 100 سے زائد شہری ڈمپر گردی کا شکار ہوئے ہیں، جب تک قاتل گرفتار نہیں ہو جاتے ہم سکون سے نہیں بیٹھیں گے، گفتگو

بدھ 2 اپریل 2025 15:40

کراچی (اُردو پوائنٹ اخبارتازہ ترین - این این آئی۔ 02 اپریل2025ء)متحدہ قومی موومنٹ پاکستان کے رہنما فاروق ستار نے کہا ہے کہ بجلی کی قیمتوں میں 10 روپے فی یونٹ کمی ہونی چاہیے۔گورنر ہاؤس میں میڈیا سے گفتگو کرتے ہوئے فاروق ستار نے کہا کہ آج بہت ہی بھاری دل کے ساتھ سب کو عید کی مبارک باد دیتا ہوں، ہم سادگی کے ساتھ عید منا رہے ہیں۔

(جاری ہے)

فاروق ستار نے کہا کہ اس سال 100 سے زائد شہری ڈمپر گردی کا شکار ہوئے ہیں، جب تک قاتل گرفتار نہیں ہو جاتے ہم سکون سے نہیں بیٹھیں گے۔انہوں نے کہا کہ آج سندھ کے شہروں میں بے چینی پائی جاتی ہے۔ انہوںنے کہاکہ آئندہ بجٹ سے قبل عوام کو کوئی امید دلانی چاہیے۔فاروق ستار نے کہا کہ دہشت گردی کے واقعات پر حکومت کو توجہ دینے کی ضرورت ہے۔