2022ء میں عمران خان نے آرمی چیف سے بات کرنے کاکہا تھا ،اعظم سواتی کا قرآن پاک پر حلف کےساتھ انکشاف

اسلام آباد(اردوپوائنٹ اخبار تازہ ترین۔07اپریل 2025)پاکستان تحریک انصاف کے رہنماء اعظم سواتی نے قرآن پاک پر حلف لیتے ہوئے انکشاف کیا ہے کہ 2022ءمیں عمران خان نے آرمی چیف جنرل سید عاصم منیر سے بات کرنے کا کہا تھا، بانی پی ٹی آئی نے کہا آپ جائیں اور فوجی قیادت سے بات کریں، آرمی چیف سے بات کرنے کی کوشش کی لیکن دروازے نہ کھلے،اپنے بیان میں پی ٹی آئی رہنماءنے کہا کہ بانی پی ٹی آئی سے مشاورت کے بعد جنرل عاصم منیر کے استاد کے ذریعے رابطے کی کوشش کی۔

عمران خان نے کہا آرمی چیف کے پاس جاو اور گفتگو کے دروازے کھولو۔انہوں نے کہا کہ دسمبر 2022 میں نئے آرمی چیف کے تقرر کے بعد مجھے بلا کر بانی پی ٹی آئی نے کہا میں آرمی چیف سے بات کرنا چاہتا ہوں۔ بانی پی ٹی آئی نے کہا فوجی مجھے گالیاں دیتے ہیں اور میرے ساتھی اس پر ہنستے ہیں۔

(جاری ہے)

بانی پی ٹی آئی نے کہا آپ پر مجھے اعتماد ہے۔ آپ جائیں اور فوجی قیادت سے بات کریں۔

اعظم سواتی کایہ بھی کہنا تھا کہ میرے بارے میں بانی پی ٹی آئی سے منسوب غلط خبریں چلائی گئیں۔میری بانی سے ملاقات کے وقت بشری بی بی بھی موجود تھیں۔اس ملاقات کا اہتمام ڈاکٹر بابر اعوان نے کیا اور ان کے بیٹے کو عمران خان سے ملوایا۔ بانی پی ٹی آئی عمران خان نے 10 منٹ میری صحت سے متعلق پوچھا۔ راولپنڈی انسٹیٹیوٹ آف کارڈیالوجی میں میرا علاج ہوا۔

بشری بی بی نے بھی کہا شریعت کے مطابق تنازعات بات چیت سے طے ہوتے ہیں۔میں نے بانی پی ٹی آئی سے سے کہا میں عارف علوی اور ساتھیوں سے ملکر سٹیبلشمنٹ سے بات کرونگا۔ بانی پی ٹی آئی نے کہا کسی کو بتانے کی ضرورت نہیں کہ کس سے کہاں رابطہ کر رہے ہو۔ بانی نے کہا اگر وہ بات کرنا چاہتے ہیں تو میں پہلے دن سے تیار ہوں۔ رہنماءپی ٹی آئی اعظم سواتی نے اپنے بیان میں مزید کہا کہ ایک ویلاگر کہتا ہے اعظم سواتی 26 نومبر کو کہاں تھا میں تو اٹک جیل میں تھا، کونسا جنرلہے جو اتنی قربانی کے بعد کہے کہ بانی پی ٹی آئی عمران خان کا مشن چھوڑ دو۔

مجھ پر تشدد ہوا میں پارٹی میں تفریق نہیں پیدا کرنا چاہتا،علی امین کے ساتھ کھڑا ہوں، وہ بانی پی ٹی آئی کے وزیر اعلیٰ ہیں۔اعظم سواتی کا یہ بھی کہنا تھا کہ خان صاحب آپ کی جیب میں کھوٹے سکے ہیں۔ مانسہرہ میں ایک سو ووٹ بھی نہیں ہے۔ اعظم سواتی کو جب سٹیبلشمنٹ نے الیکشن نہ لڑنے دیا تو گستاسب خان کو کھڑا کیا۔ گستاسب خان جو پارٹی چھوڑ گیا تھا اسے ٹکٹ ملا تو اس نے نواز شریف کو ہرایا۔اعظم سواتی کے مطابق 22 اگست کو جب آیا تو کسی آئی ایس آئی اہلکار سے ملاقات نہ ہوئی۔ پارٹی رہنماوں نے مجھے گھر سے اٹھایا اور 22 اگست کے جلسے کو ملتوی کروانے کا کہا۔ بیرسٹر گوہر میرے گھر آئے اور مجھے اڈیالہ لیکر گئے اس وقت مذہبی احتجاج تھا۔