بجٹ میں عوام الناس کو اور ریلیف فراہم کیا جائے گا، رانا مشہود

ہم آئی ایم ایف سے چھٹکارا حاصل کرنے کی مہم چلا رہے ہیں، نوجوانوں کو روزگار دینے کی کوشش کر رہے ہیں،چیئرمین پرائم منسٹر یوتھ پروگرام

ہفتہ 12 اپریل 2025 22:26

بجٹ میں عوام الناس کو اور ریلیف فراہم کیا جائے گا، رانا مشہود

لاہور(اُردو پوائنٹ اخبارتازہ ترین - آن لائن۔ 12 اپریل2025ء)رانا مشہود کا کہنا ہے کہ اس بجٹ میں عوام الناس کو اور ریلیف فراہم کیا جائے گا، ہم آئی ایم ایف سے چھٹکارا حاصل کرنے کی مہم چلا رہے ہیں، نوجوانوں کو روزگار دینے کی کوشش کر رہے ہیں۔ وزیراعظم شہباز شریف نے دنیا کا رخ پاکستان کی طرف کیا۔لاہورمیں چیئرمین پرائم منسٹر یوتھ پروگرام رانا مشہورنے میڈیا سے گفتگو کرتے ہوئے کہا ہے کہ نواز شریف نے 2016 میں آئی ایم ایف پروگرام ختم کر دیا تھا، آئی ایم ایف کا پروگرام پاکستان پر مسلط کیا گیا۔

رانا مشہود نے کہا کہ مہنگائی کے طوفان سے عام آدمی کی زندگی اجیرن ہو گئی، آج الحمدللہ بجلی کی قیمتوں میں ایک بڑا ریلیف دیا گیا۔چیئرمین پرائم منسٹر یوتھ پروگرام نے کہا کہ مریم نواز صاحبہ عوام الناس کی فلاح و بہبود کا روزانہ ایک نیا پروگرام لے کر آ رہی ہیں، وزیراعظم شہباز شریف نے دنیا کا رخ پاکستان کی طرف کیا۔

(جاری ہے)

رانا مشہود نے کہا کہ وزیراعظم شہباز شریف صاحب نے پاکستان کو دیوالیہ ہونے سے بچایا، آج اگر آپ دیکھیں مہنگائی تاریخ کی کم ترین سطح پر ہے، پٹرول کی قیمتوں میں کمی ہو رہی ہے، بجلی کی قیمتوں میں ریلیف فراہم کیا گیا ہے۔

انھوں نے کہا کہ اس بجٹ میں عوام الناس کو اور ریلیف فراہم کیا جائے گا، ہم آئی ایم ایف سے چھٹکارا حاصل کرنے کی مہم چلا رہے ہیں، نوجوانوں کو روزگار دینے کی کوشش کر رہے ہیں۔رانا مشہود کا کہنا تھا کہ پہلی حکومت ہے جس نے عافیہ صدیقی کے لیے آواز اٹھائی، ن لیگ نے فلسطین کا ایشو اقوام متحدہ میں اٹھایا۔