خیرپور،نہروں کے منصوبے کیخلاف قومی شاہراہ پر وکلا کا دھرنا 7 ویں روز بھی جاری رہا

کاروباری مراکز بند ہونے سے لوگوں کو مشکلات کا سامنا، سڑکوں کی بندش سے سے مسافر رل گئے

جمعرات 24 اپریل 2025 20:35

خیرپور (اُردو پوائنٹ اخبارتازہ ترین - این این آئی۔ 24 اپریل2025ء)دریائے سندھ سے کینالز نکالنے کے خلاف سندھ کے باسیوں کا دھرنا جاری ہے، مختلف شہریوں میں پہیہ جام اور شٹرڈاون ہڑتال ہے۔ کاروباری مراکز سمیت چھوٹی بڑی تمام مارکیٹوں کی بندش سے سڑکیں ویران ہوگئی جبکہ ٹرانسپورٹ سروس بند ہونے سے مسافر رل گئے۔متنازع کینالز منصوبے کے خلاف احتجاج اورریلیوں کاسلسلہ تھم نہ سکا۔

خیرپور ببر لو بائی پاس پر وکلا برادری کا دھرنا ساتویں روزمیں داخل ہوگیا، سڑکوں کی بندش سے ٹریفک کا نظام درہم برہم ہوگیا، ڈرائیورز بھی سکھر میں بھی ببرلو دھرنے میں شریک ہوگئے۔کراچی بار ایسوسی ایشن کے صدرعامرنواز وڑائچ کا دھرنے سے خطاب کرتے ہوئے کا کہنا تھا کہ اپنی صفوں میں اتحاد ہو تو بھارت سندھ طاس معاہدہ منسوخ کرکے بھی کچھ نہیں کر سکتا۔

(جاری ہے)

قمبرشہدادکوٹ کی تحصیل وارہ میں بھی شٹرڈاؤن ہڑتال کے باعث مرکزی بازار سمیت تمام کاروباری مراکز بند ہیں، جس لوگوں مشکلات کا سامان رہا۔ اوباڑو میں بھی سندھ پنجاب سرحد پردھرنا دیکرقومی شاہراہ بند کردی گئی۔ضلع نوشہروفیروز کے تحصیل مورو میں پانچویں روز بھی متنازع کینالز کے خلاف قومی شاہراہ پر دھرنا جاری ہے، گاڑیوں میں موجود ایشاخوردونوش کا سامان خراب ہونیلگا جبکہ مقامی ہوٹل مالکان نے کھانے پینے کیاشیاقیمت بھی دگنی کردی ہیں۔