Live Updates

بھارت جنگ کرتا ہے یا مذاکرات، پاکستان تیار ہے، گورنر خیبر پختونخوا

افغانستان کی سرزمین پاکستان کے خلاف دہشت گردی کیلئے استعمال ہو رہی ہے، فیصل کریم کنڈی

پیر 28 اپریل 2025 19:15

ڈیرہ سماعیل (اُردو پوائنٹ اخبارتازہ ترین - این این آئی۔ 28 اپریل2025ء)گورنر خیبر پختونخوا فیصل کریم کنڈی نے کہا ہے کہ بھارت جنگ کرتا ہے یا مذاکرات پاکستان دونوں کیلئے تیار ہے۔ میڈیا سے گفتگو میں فیصل کریم کنڈی نے کہا کہ افغانستان کی سرزمین پاکستان کے خلاف دہشت گردی کیلئے استعمال ہو رہی ہے۔انہوں نے کہا کہ بھارت جنگ کرتا ہے یا مذاکرات، پاکستان دونوں کیلئے تیار ہے، ہم اپنے دشمن کو منہ توڑ جواب دینیکی صلاحیت رکھتے ہیں۔

(جاری ہے)

گورنر خیبر پختونخوا نے کہا کہ خیبر پختونخوا کی صوبائی حکومت امن کے لیے سنجیدہ نہیں، جب صوبے میں امن ہوگا تو معیشت مضبوط ہوگی۔اٴْنہوںنے کہاکہ صوبائی حکومت امن و امان میں مکمل طور پر ناکام نظر آ رہی ہے، پی ٹی آئی کے وزیر کرپشن میں سر تک ڈوبے ہوئے ہیں۔فیصل کریم کنڈی نے کہا کہ علی امین کو اسلام آباد سے جو ٹاسک ملتا ہے وہ اچھے بچوں کی طرح پورا کرتے ہیں، خیبر پختونخوا میں پوسٹنگ ٹرانسفر پر منڈی لگی ہے۔