ح*برطانیہ کا پاکستان اور بھارت کے درمیان حالیہ کشیدگی پر اظہارتشویش

بدھ 7 مئی 2025 19:30

[لندن(اُردو پوائنٹ اخبارتازہ ترین - آن لائن۔ 07 مئی2025ء)برطانیہ نے پاکستان اور بھارت کے درمیان حالیہ کشیدگی پر اظہارتشویش کرتے ہوئے فریقین سے تحمل کا مظاہرہ کرنے کی اپیل کی ہے۔میڈیاکے مطابق برطانوی وزیراعظم کیئر اسٹارمر نے پاک بھارت حالیہ کشیدگی پر اظہار تشویش کرتے ہوئے کہا ہے کہ دونوں ممالک سے تحمل کا مظاہرہ کرنے کی اپیل کرتے ہیں۔برطانوی وزیراعظم نے کہا کہ دونوں ممالک مذاکرات کے ذریعے امن کو یقینی بنائیں۔

(جاری ہے)

واضح رہے کہ بھارت نے گزشتہ رات، اندھیرے میں پاکستان کے شہری علاقوں پر حملہ کرکے طبل جنگ بجادیا تھا۔بھارتی حملے کے بعد پاکستان کی مسلح افواج نے بزدلانہ حملے کا منہ توڑ جواب دیتے ہوئے بھارتی فضائیہ کے 3 رافیل طیاروں سمیت 5 جنگی طیارے گرائے اور ایک بریگیڈ ہیڈکوارٹر سمیت متعدد فوجی چیک پوسٹوں کو تباہ کردیا تھا۔بعد ازاں، بھارتی فوج نے ایل اوسی کے چورا کمپلیکس پر سفید جھنڈ الہرا کر شکست تسلیم کرلی تھی۔