ہمیں ایک قوم بن کر اسلام اور ملک دشمنوں کو منہ توڑ جواب دینا ہے ،علماء ومشائح

سرگودھا(اُردو پوائنٹ اخبارتازہ ترین - این این آئی۔ 09 مئی2025ء)سرگودھا کے علما و مشائخ نے بھارتی جارحیت کی پرزور مذمت کرتے ہوئے امت مسلمہ میں اتحاد، آزادی وطن اور جہاد کی اہمیت پر زور دیا اور کہا کہ کو ہمیں ایک قوم بن کر اسلام اور ملک دشمنوں کو منہ توڑ جواب دینا ہے اور پوری قوم دفاع وطن اور دہشت گردی کے خاتمہ کے لئے افواج پاکستان اور اداروں کے ساتھ تھی ساتھ ہے اور ساتھ کھڑی رہے گی۔

زرائع کے مطابق جمعیت اشاعت اہلسنت والسنہ کے صوبائی نائب امیر علامہ محمد عطا اللہ بندیالوی، مرکزی جمعیت اہلحدیث پنجاب کے سرپرست اعلی علامہ سید محمد سبطین شاہ نقوی، انٹرنیشنل ختم نبوت پنجاب کے صدر قاری احمد علی نریم، قومی امن کمیٹی برائے بین المذاہب ہم آہنگی کے ضلعی صدرمفتی شاہد مسعود،چیئرمین حافظ وقاص قاسمی،مرکزی اتحاد العلما کیضلعی جنرل سیکرٹری مولانا ملک ضیا الحق،ضلعی سیکرٹری اطلاعات شیخ نعیم طاہر، ضلعی کنونئیر قاری عبدالوحید،متحدہ علما کونسل کے قاری وقار احمد عثمانی ،امیر افضل اعوان، مسجد رابعہ کے خطیب پروفیسر مولانا فضل الحق بندیالوی،مسجد حامد علی شاہ کے مولانا نگاہ مصطفے چشتی،جامع مسجد شمشیر ٹان کے خطیب مولانا انعام اللہ جلالی اوردیگر علما و مشائخ نے بھارتی جارحیت کی پرزور مذمت کرتے ہوئے امت مسلمہ کے اتحاد پاکستان کی آزادی اور جزبہ جہاد کی اہمیت پر زور دیا اور کہا کہ پوری قوم کو اسلام اور ملک دشمنوں کے خلاف متحد ہو کر منہ توڑ جواب دینا ہے۔

(جاری ہے)

انہوں نے موجودہ ملکی حالات اور بھارتی چھیڑ چھاڑ کے تناظر میں پاکستانی عوام میں جنگی حالات میں صبر و تحمل ۔قومی اتحاد و اتفاق اور جذبہ حب الوطنی کو اجاگر کیا۔انہوں نے تحفظ ناموس رسالت اور عظمت صحابہ آرڈیننس پر سختی سے عمل درآمد کو یقینی بنانے اور قران وسنت کے تابع نظام شریعت کے فل الفور نفاذ کے لئے قانون سازی پر زور دیتے ہوئے کہا کہ دہشتگردی، مہنگائی، سودی نظام اور ٹیکسوں کے خاتمہ پر ملک خوشحالی اور ترقی کی راہ پر گامزن ہو گا۔

اس لئے ہر پاکستانی پر زمہ داری عائد ہوتی کہ وہ دفاع وطن کیلئے اپنا کردار ادا کرئے اور توحید و سنت کے پرچار کے ساتھ غیر اسلامی رسومات کو ترک کر کے نونہالان وطن کو دنیاوی تعلیم کے ساتھ دینی تعلیم کی طرف راغب کریں تودنیا و آخرت میں کامیاب و کامران سے مستفید ہوں گے۔انہوں نے کہا کہ ملک کے دفاع اوردہشتگردی کیخاتمہ کے لئے پوری قوم افواج پاککستان اور اداروں کے شانہ بشانہ کھڑی تھی کھڑی ہے اور کھڑی رہے گی اور اول دستے کا کردار ادا کرئے گی۔اس موقع پر ملک کی سلامتی،استحکام، امن وامان اور بھائی چارے کے ساتھ اسلام کی سربلندی، ملک کی سلامتی، فلطسین و کشمیر کی آزادی اورامت مسلمہ و شہیدا فلسطین کے لئے خصوصی دعائیں کی گئیں۔