Live Updates

راجہ فاروق حیدر بھارتی فوج کی جانب سے گولہ باری کے نقصانات کا جائزہ لیا شہدا کے گھروں میں بھی گئے

منگل 13 مئی 2025 19:35

وادی نیلم (اُردو پوائنٹ اخبارتازہ ترین - این این آئی۔ 13 مئی2025ء)سابق وزیراعظم آزادکشمیر راجہ فاروق حیدر بھارتی فوج کی جانب سے گولہ باری کے نقصانات کا جائزہ لیا شہدا کے گھروں میں بھی گئے۔راجہ فاروق حیدر خان نے بھارتی گولہ باری کے متاثرین سے گفتگو کرتے ہوئے کہاکہ وزیراعظم پاکستان محمد شہباز شریف کی جانب سے شہدا زخمیوں اور املاک کے لیے اعلان کردہ پیکیج کا بھرپور خیرمقدم کرتے ہیں ۔

(جاری ہے)

انہوںنے کہاکہ لائن آف کنٹرول پر بسنے والے عوام کے جذبے ہمالیہ سے بھی بلند ہیں ۔ انہوںنے کہاکہ لائن آف کنٹرول پر ہندوستانی فوج نے نہتے شہریوں کو نشانہ بنایا معصوم بچوں عورتوں بزرگوں کو شہید کیا ۔ سابق وزیراعظم آزاد کشمیر نے کہاکہ پاکستان کی بہادر افواج نے صرف دشمن کی تنصیبات کو نشانہ بنایا ،وزیراعظم پاکستان محمد شہباز شریف نے اس مشکل وقت میں بہترین قیادت کی ۔ راجہ فاروق حیدر خان نے کہاکہ پاک فوج اور عوام نے ملکر ہندوستان کو ہر محاذ پر شکست دی ،یہ امر باعث مسرت ہے کہ اس وقت فوج کی قیادت جنرل عاصم منیر جیسے شیر دل قائد کے پاس ہے