بھارت غلط کہتا ہے کہ دہشت گردوں کے اڈوں کو نشانہ بنایا، لیفٹیننٹ جنرل (ر) محمد سعید

درحقیقت بھارت نے مساجد، عام شہریوں کے مکانات، خواتین اور بچوں کو نشانہ بنایا، پاکستان کی پیشہ ورانہ اور جارحانہ دفاعی حکمت عملی نے دشمن کو سیزفائر پر مجبور کر دیا، پاک فوج کے سابق چیف آف جنرل سٹاف کا روسی نشریاتی ادارے آر ٹی کو انٹرویو

فیصل علوی جمعرات 15 مئی 2025 11:35

بھارت غلط کہتا ہے کہ دہشت گردوں کے اڈوں کو نشانہ بنایا، لیفٹیننٹ جنرل ..

اسلام آباد(اردوپوائنٹ اخبار تازہ ترین۔15 مئی 2025)پاک فوج کے سابق چیف آف جنرل سٹاف لیفٹیننٹ جنرل (ر) محمد سعید نے کہا ہے کہ بھارت غلط کہتا ہے کہ دہشت گردوں کے اڈوں کو نشانہ بنایا، درحقیقت بھارت نے مساجد، عام شہریوں کے مکانات، خواتین اور بچوں کو نشانہ بنایا،سابق چیف آف جنرل سٹاف، لیفٹیننٹ جنرل (ر) محمد سعید نے روسی نشریاتی ادارے آر ٹی کو دئیے گئے خصوصی انٹرویو میں آپریشن بنیان مرصوص اور خطے کی سلامتی سے متعلق اہم انکشافات کئے۔

ان کا کہنا ہے کہ سیز فائر ایک جرات مندانہ فیصلہ تھا۔ دونوں جانب کی سیاسی قیادت نے عالمی دباو میں سیز فائر کو قبول کیا البتہ یہ آسان فیصلہ نہیں تھا۔ ماضی میں بھی سیزفائرز ہوتے رہے۔لیفٹیننٹ جنرل (ر) محمد سعید نے عالمی میڈیا کو دعوت دی کہ وہ خود زمینی صورتحال کا مشاہدہ کریں تاکہ حقائق پر مبنی رپورٹنگ سامنے آ سکے۔

(جاری ہے)

لیکن کشمیر کا حل نہ ہونے کی وجہ سے خطے میں پائیدار امن ممکن نہ ہو سکا۔

انہوں نے کہا کہ یہ مختصر لیکن وسیع پیمانے پر پھیلا ہوا فوجی تصادم تھا۔ 3000 کلو میٹر کی حدود میں میزائل اور گولہ باری ہوئی۔ گلگت بلتستان سمیت ایل او سی اور بین الاقوامی سرحد پر فائرنگ کا تبادلہ ہوا۔ سیزفائر کے 24 سے 36 گھنٹوں میں دونوں افواج نے موثر طریقے سے جنگ بندی نافذ کی۔پاکستان کی پیشہ ورانہ اور جارحانہ دفاعی حکمت عملی نے دشمن کو سیزفائر پر مجبور کر دیا۔

بھارتی جارحیت کے جواب میں پاکستانی مسلح افواج کی جانب سے بروقت اور موثر دفاعی کارروائی نے دشمن کو پسپائی پر مجبور کر دیا۔ لیفٹیننٹ جنرل (ر) محمد سعید نے واضح کیا کہ بھارت نے غلط دعویٰ کیا کہ اس نے دہشت گرد کیمپس کو نشانہ بنایا۔ بھارت نے اصل میں مساجد اور عام شہریوں کے گھر تباہ کئے۔ بھارت کی بمباری سے معصوم بچوں کے ساتھ خواتین بھی شہید ہوئیں۔

ان کا کہنا تھا کہ بھارت نے پہلگام واقعے پر پاکستان کی مذمت اور ثبوتوں کی پیشکش کو نظرانداز کیا اور آج تک نہ پاکستان اور نہ ہی کسی عالمی ادارے کو کوئی قابل تصدیق ثبوت فراہم کئے۔اگر تفتیش جاری ہے تو بین الاقوامی قانون کہاں اجازت دیتا ہے کہ بغیر نتیجہ حملے کئے جائیں؟۔سابق چیف آف جنرل سٹاف کا کہنا تھا کہ بھارت نے پٹھان کوٹ، اڑی اور ممبئی حملوں کے بھی بہانے دئیے مگر شفاف تحقیقات سے انکار کیا۔ لیفٹیننٹ جنرل (ر) محمد سعید نے کہا کہ جب تک اقوام متحدہ کی قراردادوں کے مطابق مسئلہ کشمیر کو حل نہیں کیا جاتا۔ سیزفائرز وقتی ہوں گے اور خطے میں امن محض ایک سراب ہی رہے گا۔