Live Updates

فلائی دبئی نے پشاور سے آپریشن کا آغاز کردیا

فلائی دبئی ہفتے میں سات فلائٹس آپریٹ کرے گی، پاکستان پاسپورٹس اتھارٹی

جمعہ 16 مئی 2025 21:15

فلائی دبئی نے پشاور سے آپریشن کا آغاز کردیا

پشاور(اُردو پوائنٹ اخبارتازہ ترین - این این آئی۔ 16 مئی2025ء)فلائی دبئی نے باچا خان انٹرنیشنل ایئرپورٹ پشاور سے آپریشن کا آغاز کر دیا۔پاکستان ائیرپورٹس اتھارٹی کے مطابق فلائی دبئی کی پہلی پرواز گزشتہ رات 164 مسافروں کے ساتھ پشاور پہنچی، باچا خان ایئرپورٹ پر فلائی دبئی کی پرواز کو واٹر کینن سلامی دی گئی۔

(جاری ہے)

ایف زی 375 صبح 2 بجکر 20 منٹ پر 184 مسافروں کے ساتھ واپس دبئی روانہ ہوئی۔پاکستان ایئرپورٹس اتھارٹی نے بتایاکہ فلائی دبئی کی آمد پر کیک کاٹنے کی تقریب بھی منعقد ہوئی، فلائی دبئی ہفتے میں سات فلائٹس آپریٹ کرے گی، پشاور سے خلیجی و یورپی ممالک کیلئے فضائی روابط میں توسیع ہوگی۔