Live Updates

ًبہادر افواج نے بھارت کی جارحیت کا منہ توڑ جواب دیکر قوم کا سر فخر سے بلند کر دیا : چوہدری شافع حسین

ہفتہ 17 مئی 2025 20:00

غ*لاہور (اُردو پوائنٹ اخبارتازہ ترین - آن لائن۔ 17 مئی2025ء) پاکستان مسلم لیگ پنجاب کے جنرل سیکرٹری و صوبائی وزیر صنعت و تجارت چوہدری شافع حسین نے اپنے خصوصی بیان میں کہا کہ پاکستان کی بہادر افواج نے بھارت کی جارحیت کا منہ توڑ جواب دیکر قوم کا سر فخر سے بلند کر دیا ہے پاکستان کی مسلح افواج نے بہادری کی جو نئی تاریخ رقم کی ہے اس کی دھوم پوری دنیا میں سنائی دے رہی ہے۔

(جاری ہے)

آج ہم اپنے گھروں میں سکون کی نیند سو رہے ہیں تو اس کی وجہ ہماری افواج ہیں جو چوبیس گھنٹے سرحدوں کی حفاظت کر رہی ہیں چوہدری شافع حسین نے کہا کہ پاک فضائیہ کی شاندار کامیابی کی پوری دنیا تعریف کر رہی ہے اس میں دوست ملک چین کا بھی بہت کردار ہے چین ہمارا ایسا مخلص دوست ہے جو ہر مشکل گھڑی میں پاکستان کے ساتھ کھڑا رہا ہے جنگ میں شاندار کامیابی پر پاکستانیوں کی طرح چین کی حکومت اور عوام بھی بے خد خوش ہے اس کا اندازہ مجھے ان لوگوں سے مل کر ہوا۔انشااللہ پاکستان کی عوام اپنی مسلح افواج کے ساتھ ہمیشہ شانہ بشانہ کھڑی رہے گی۔