عالمی سطح پر پاکستان کے موقف کی پزیرائی ہوئی ہے جبکہ بھارت کو بین الاقوامی سطح پر شرمندگی کا سامنا کرنا پڑا ہے، وفاقی وزیر امور کشمیر اور سیفران اور مسلم لیگ (ن) کے سینئر رہنما امیر مقام

اتوار 18 مئی 2025 01:20

اسلام آباد (اُردو پوائنٹ اخبارتازہ ترین - اے پی پی۔ 18 مئی2025ء) وفاقی وزیر امور کشمیر اور سیفران اور مسلم لیگ (ن) کے سینئر رہنما امیر مقام نے کہا ہے کہ عالمی سطح پر پاکستان کے موقف کی پزیرائی ہوئی ہے جبکہ بھارت کو بین الاقوامی سطح پر شرمندگی کا سامنا کرنا پڑا ہے۔ نجی ٹی وی سے گفتگو کرتے ہوئے انہوں نے اس بات پر زور دیا کہ پاکستان کی طاقت قومی اتحاد اور اس کی مسلح افواج کی صلاحیتوں میں مضمر ہے۔

انہوں نے کہا کہ ہم پاکستان کی خودمختاری پر ایک انچ بھی سمجھوتہ نہیں کریں گے۔

(جاری ہے)

انہوں نے کہا کہ پاکستان کے موقف کو عالمی سطح پر پذیرائی ملی ہے۔انہوں نے کہا کہ بھارت کے ساتھ مستقبل میں ہونے والے کسی بھی مذاکرات میں مسئلہ کشمیر کو شامل کرنا چاہیے۔ایک سوال کے جواب میں امیرمقام نے کہا کہ بھارت نے کبھی بھی پاکستان کے لیے خیرسگالی کا مظاہرہ نہیں کیا اور وہ مسلسل پاکستان کے خلاف جھوٹے پروپیگنڈے میں ملوث رہے۔انہوں نے مزید کہا کہ بھارت کی طرف سے فنڈنگ کرنے والی دہشت گرد تنظیمیں اور پاکستان مخالف عناصر پاکستان کو عدم استحکام سے دوچار کرنے کی کوشش کر رہے ہیں تاہم قوم ہر قسم کے خطرات سے اپنے دفاع کے لیے پوری طرح تیار ہے۔

Facebook Twitter Google + Share on Whatsapp

متعلقہ عنوان :

مزید قومی خبریں