Live Updates

وزیراعظم کی جانب سے بلاول بھٹو زرداری کو سفارتی وفد کی قیادت دینا دانشمندانہ فیصلہ ہے،چوہدری محمد شبیر

منگل 20 مئی 2025 17:14

برمنگھم (اُردو پوائنٹ اخبارتازہ ترین - این این آئی۔ 20 مئی2025ء)فخر ڈڈیال وسینئر نائب صدر پاکستان پیپلزپارٹی برمنگھم برطانیہ چوہدری محمد شبیر نے کہا ہے کہ وزیراعظم پاکستان کی جانب سے چیئرمین پاکستان پیپلزپارٹی بلاول بھٹو زرداری کو سفارتی وفد کی قیادت دینا دانشمندانہ فیصلہ ہے۔اپنے جاری کردہ خصوصی بیان میں چوہدری محمد شبیر نے کہا کہ چیئرمین پاکستان پیپلزپارٹی بلاول بھٹو زرداری کی سیاسی اور سفارتی صلاحیتوں کا دنیا بھر میں اعتراف کیا جاتا ہے،بھٹو خاندان نے ہمیشہ ہر محاذ پر ملک کا بہترین طریقے سے دفاع کیا۔

انہوں نے کہا کہ شہید ذوالفقار علی بھٹو اور شہید محترمہ بے نظیر بھٹو کی سفارتی خدمات کو دنیا آج بھی کھلے دل سے تسلیم کرتی ہے،بطور وفاقی وزیر خارجہ بلاول بھٹو زرداری کی کارکردگی مثالی رہی اور پاکستان کے موقف کو دنیا بھر میں بھرپور طریقے سے پہنچایا گیا تھا۔

(جاری ہے)

انھوں نے مزید کہا کہ وزیراعظم پاکستان کے اس فیصلے سے پاکستان کی عالمی ساکھ میں اضافہ ہوگا جبکہ اس فیصلے کو جملہ سیاسی جماعتوں کی تائید حاصل ہے،چیئرمین پاکستان پیپلزپارٹی بلاول بھٹو زرداری نے پاکستان کے خلاف بھارتی جارحیت کو جس طرح عالمی سطح پر بے نقاب کیا وہ بے مثال ہے اسی طرح دنیا بھر میں ہر فورم پر چیئرمین پاکستان پیپلزپارٹی بلاول بھٹو زرداری نے مسئلہ کشمیر اور مسئلہ فلسطین کے حل کے لئے اپنی تمام تر توانائیاں صرف کی پیپلزپارٹی کی بنیاد مسئلہ کشمیر پر رکھی گئی تھی ان شاء اللہ بہت جلد چیئرمین پاکستان پیپلزپارٹی بلاول بھٹو زرداری کی قیادت میں مسئلہ کشمیر اور مسئلہ فلسطین حل ہو کر رہے گا اور مقبوضہ جموں وکشمیر کے کشمیریوں اور مقبوضہ فلسطین کے فلسطینیوں کو حق آزادی مل کر رہے گی۔