Live Updates

نتاشہ کول کی مودی کی عوام دشمن پالیسیوں پر تنقید کی وجہ سے ہندوستانی شہریت ختم کرنا انسانی حقوق کی خلاف ورزی ہے ،محمد فاروق حیدر

منگل 20 مئی 2025 22:33

مظفر آباد (اُردو پوائنٹ اخبارتازہ ترین - این این آئی۔ 20 مئی2025ء)سابق وزیراعظم آزادکشمیر راجہ محمد فاروق حیدر خان نے کہا ہے کہ پروفیسر نتاشہ کول کی مودی کی عوام دشمن پالیسیوں پر تنقید کی وجہ سے ہندوستانی شہریت ختم کرنا مسلمہ بین الاقوامی قوانین کے تحت بنیادی انسانی حقوق کی سنگین خلاف ورزی ہے نتاشہ کو سیکرٹری جنرل اقوام متحدہ اپنا خصوصی پاسپورٹ جاری کریں حکومت پاکستان انہیں شہریت دے وہ ریاست جموں کشمیر کی شہری اور اسٹیٹ سبجیکٹ ہولڈر ہیں قانون ساز اسمبلی میں اس حوالے سے باضابطہ قرارداد جمع کروانے کے بعد میڈیا سے گفتگو کرتے ہوئے سابق وزیراعظم آزادکشمیر راجہ محمد فاروق حیدر خان نے کہا کہ مودی حکومت اپنے اوپر تنقید کرنے والے کشمیریوں اور دیگر شہریوں کے خلاف انتقامی کاروائیوں کی بدترین مثال قائم کر رہی ہے نتاشہ کول اور اس طرز کے دیگر متاثرہ افراد جن کا تعلق جموں و کشمیر سے ہے کو اقوام متحدہ کا پاسپورٹ دیا جائے یا پاکستان انہیں شہریت دے۔

(جاری ہے)

راجہ محمد فاروق حیدر خان نے کہا کہ ہندوستان میں ایک مسلمانوں اور دیگر مذاہب کے ماننے والوں کو مودی پر تنقید کرنے پر گرفتار کیا جارہا ہے نام نہاد آپریشن شندور کی ناکامی کے بعد دنیا بھر میں ہونے والی خفت کو مٹانے کے لیے مودی مسلمانوں اور ہندوں سمیت دیگر کو نشانہ بنا رہا ہے سیکرٹری جنرل اقوام متحدہ ایسے تمام شہریوں کو جو مودی کی انتہاء پسندی کا شکار کر کسی بھی ملک کے شہری نہیں رہے اقوام متحدہ کا پاسپورٹ جاری کرے ایسے تمام افراد جن کا تعلق مقبوضہ جموں وکشمیر سے ہے کو حکومت پاکستان اپنی شہریت دے۔