Live Updates

ٹریڈ ڈویلپمنٹ اتھارٹی آف پاکستان بیوٹی ورلڈ مڈل ایسٹ 2025 میں شرکت کرے گی

جمعہ 23 مئی 2025 19:52

کراچی (اُردو پوائنٹ اخبارتازہ ترین - این این آئی۔ 23 مئی2025ء)بیوٹی ورلڈ مڈل ایسٹ مشرق وسطی میں خوبصورتی اور فلاح و بہبود کی مصنوعات، خوشبوں اور بیوٹی لوازمات کے لیے سب سے بڑا بین الاقوامی میلہ ہے اور دنیا کے نمایاں ترین بیوٹی ٹریڈ شوز میں سے ایک ہے۔ یہ ایونٹ 27 تا 29 اکتوبر، 2025 کو دبئی ورلڈ ٹریڈ سینٹر میں منعقد ہوگا۔یہ میلہ گزشتہ 20 سال سے دنیا کی تیزی سے ترقی کرتی ہوئی مارکیٹوں میں سے ایک میں اس شعبے کے لیے ایک نمایاں پلیٹ فارم رہا ہے، جہاں تجارتی زائرین کو دنیا کی بہترین مصنوعات اور برانڈز تک رسائی حاصل ہوتی ہے۔

2024 میں منعقد ہونے والے اس خطے کے سب سے بڑے بین الاقوامی بیوٹی اینڈ ویلبیئنگ ٹریڈ شو کے 28ویں ایڈیشن میں 1,966 سے زائد نمائش کنندگان نے شرکت کی جبکہ تقریبا 71,439 تجارتی خریداروں نے دنیا بھر سے اس میلے کا دورہ کیا۔

(جاری ہے)

متحدہ عرب امارات کے بعد سرفہرست آنے والے ممالک میں سعودی عرب، ایران، بھارت، پاکستان، کویت، عراق، مصر اور عمان شامل تھے۔ ان میں پاکستان سے 35 نمائش کنندگان نے اپنی مصنوعات پیش کیں۔

بیوٹی ورلڈ مڈل ایسٹ میں جو اہم پروڈکٹس گروپس شامل ہوتے ہیں ان میں کاسمیٹکس و سکن کیئر، پرسنل کیئر و ہائجین، نیچرل و آرگینک، بال، نیل و سیلون سپلائیز، مشینری، پیکیجنگ، خام مال اور کنٹریکٹ مینوفیکچرنگ، فریگرینس کمپانڈز اور تیار شدہ خوشبوئیں وغیرہ شامل ہیں۔2024 میں ٹریڈ ڈیولپمنٹ اتھارٹی آف پاکستان(ٹڈاپ)کے ذریعے کل 16 کمپنیوں نے شرکت کی تھی۔بیوٹی ورلڈ مڈل ایسٹ 2025 کے لیے سبسڈی شدہ 9 مربع میٹر کا تیار شدہ اسٹال11لاکھ50ہزار میں دستیاب ہے۔ ٹریڈ ڈویلپمنٹ اتھارٹی آف پاکستان کے ذریعے درخواست جمع کرانے کی آخری تاریخ: 13 جون، 2025 مقرر کی گئی ہے۔