ًپارٹی کارکنان بڑی تحریک کی تیاری کریں اسلام آباد نہیں بلکہ پورے پاکستان میں تحریک چلے گی،علیمہ خان

ھ راولپنڈی (اُردو پوائنٹ اخبارتازہ ترین - آن لائن۔ 26 مئی2025ء) تحریک انصاف کے سابق چیئرمین کی ہمشیرہ علیمہ خان نے کہا ہے کہ سابق چیئرمین پارٹی کے اندر وکٹ کے دونوں جانب کھیلنے والوں پر نظر رکھے ہوئے ہیں اور ایسے لوگوں کی پارٹی میں کوئی جگہ نہیں ہے پارٹی کارکنان بڑی تحریک کی تیاری کریں اسلام آباد نہیں بلکہ پورے پاکستان میں تحریک چلے گی۔

(جاری ہے)

گزشتہ روز اڈیالہ جیل کے باہر بہنوں کے ہمراہ میڈیا سے گفتگو کرتے ہوئے علیمہ خان نے کہا کہ آج سابق چیئرمین نے تین نکاتی پوائنٹس بھیجے ہیں انھوں نے کہا عام قیدی کے جو حقوق ہیں مجھے وہ بھی نہیں دیئے جا رہے 8 مہینوں میں صرف 1 مرتبہ بچوں سے بات کرائی گئی ہم بہنیں ان کو کتابیں پہنچانے کی کوشش کرتی ہیں لیکن جیل انتظامیہ کتابیں روک لیتی ہے ان کے ذاتی ڈاکٹروں سے ان کا معائنہ نہیں کرایا جا رہا توہین عدالت کی درخواستوں پر ججوں کا حکم بھی یہ نہیں مانتے بشریٰ بی بی کو شوہر پر دباو ڈالنے کیلئے جیل میں رکھا گیا ہے سابق چیئرمین نے کہا بیشک ساری زندگی جیل میں بھی رکھ لیں نہیں جھکوں گا یوٹیوبر کہتے ہیں سابق چیئرمین باہر نکلنے والے ہیں ڈیل ہوگئی امریکن آگئے اب سمجھ آ رہی ہے کہ عوام کا ٹیمپریچر ٹھنڈا رکھنے کیلئے ایسے وی لاگ بنائے جاتے ہیں سابق چیئرمین نے پارٹی کیلئے پیغام بھیجا ہے کہ یہ نظریئے کی جماعت ہے ان کے علاوہ بہت سے نوجوان جیل کاٹ رہے ہیں یہ الیکٹیبلز کی پارٹی نہیں ہے ہمیں نظریئے کا ووٹ ملا ہے جو بھی اس نظریئے کیساتھ نہیں ہے ان کی پارٹی میں کوئی جگہ نہیں ہے علیمہ خان نے کہا کہ سابق چیئرمین نے ایک موقع پر غصہ میں کہا کہ وقت بدل چکا ہے اب ججوں کا حال دیکھیں القادر کا کیس 3 مہینے سے نہیں لگ رہا 9 مئی اور دیگر ضمانتوں کے کیس بھی ہیں، ججوں نے زبان دی کہ کیس لگا دیں گے لیکن انھوں نے نہیں لگائے انھوں نے واضح کر دیا ہے کہ پارٹی بڑی تحریک تیاری کرے انہوں نے کہا کہ ہم فیملی کے لوگ کل ہائیکورٹ جائیں گے ہم کہہ رہے ہیں کہ ججوں کو سپورٹ کریں گے کل تمام ایم این ایز اور اراکین پنجاب و کے پی اسمبلی اسلام آباد ہائیکورٹ پہنچیں گے اور ججز کو سپورٹ کریں گے۔