کوشش ہے کوئی بچہ ٹیکنالوجی اور تعلیم سے محروم نہ رہے، مریم نواز کا لیہ میں میڈیکل کالج کی تعمیر کا اعلان

لیہ(اردوپوائنٹ اخبار تازہ ترین۔30 مئی 2025) وزیراعلیٰ پنجاب مریم نواز شریف نے لیہ میں فوری میڈیکل کالج کی تعمیر کا اعلان کر دیا، انشا اللہ لیہ میں میڈیکل کالج کی فوری تعمیر شروع ہوجائے گی۔ کوشش ہے کہ کوئی بچہ ٹیکنالوجی اور تعلیم سے محروم نہ رہے۔میں چاہتی ہوں آپ کو کسی کے سامنے ہاتھ نہ پھیلانا پڑے، لیہ میں ہونہار سکالرشپ اور لیپ ٹاپ تقسیم کرنے کی تقریب سے خطاب کرتے ہوئے وزیراعلیٰ پنجاب مریم نواز کا کہنا ہے کہ ریاست ماں نہیں بنتی تو وہ اپنے فرائض میں غفلت برتتی ہے۔

لیہ یونیورسٹی کیلئے ڈیڑھ ارب روپے مختص کئے ہیں۔ ڈی جی خان یونیورسٹی کیلئے بھی ڈیڑھ ارب روپے مختص کئے ہیں۔یہ میرا پہلا سال ہے جیسے جیسے وقت گزرتا جائے گا مزید بہتری کرنے کی کوشش کروں گی۔

(جاری ہے)

میں آپ بچوں کے سامنے جوابدہ ہوں۔ یہ آپ کا حق ہے جو ملا ہے اور یہ ملنا چاہیے تھا۔ کبھی آپ نے میرا شکریہ ادا نہیں کرنا یہ آپ کا حق تھا۔انہوں نے کہا کہ میں نے 30 ہزار سکالرشپس کو بڑھا کر 50 ہزار کردیا ہے۔

ہر سال 30 ہزار لیپ ٹاپس سے بڑھا کر ایک لاکھ لیپ ٹاپس کر دیئے ہیں۔جو آپ کے گھروں، روٹی، سبزی، بجلی کی قیمتوں کیلئے فکر مند ہے وہ آپ کا ہمدرد ہے۔ جو نفرت کے بیج بوتا ہے وہ قوم کا سب سے بڑا دشمن ہے۔ جس نے ملک کیلئے خدمات دیں وہ سب ہمارے ہیرو ہیں جنہوں نے وردی کو جلایا انہوں نے قوم کے وقار اور طاقت کو جلایا۔ آج وہی وردی پہنے قوم کے جوان بیٹے سرحدوں پر شہید ہوئے۔

10 مئی کو جنگ جیت کر سب کو پتہ چل گیا 9 مئی اور 28 مئی کو کس نے کیا کیا۔مجھے رلانا اتنا آسان نہیں ہے میں 2 بار قید تنہائی میں رہی لیکن کبھی روئی نہیں۔وزیراعلیٰ پنجاب مریم نواز نے تقریب سے خطاب کرتے ہوئے مزید کہا کہ آج وہی وردی پہنے قوم کے جوان بیٹے سرحدوں پر شہید ہوئے۔ اب آپ کے ملک کو کوئی میلی آنکھ سے نہیں دیکھ سکتا۔ ہم فیلڈ مارشل عاصم منیر، ایئر چیف اور تمام جوانوں کو خراج تحسین پیش کرتے ہیں۔

جب قوم بنیان مرصوص بن جائے تو دنیا کی کوئی طاقت نہیں ہرا سکتی۔ تمام بچے پاکستان کیلئے بنیان مرصوص بنیں۔پاکستان نے ایک چھوٹا ملک ہونے کے باجود بھارت سے جنگ جیتی ہے۔ان کا یہ بھی کہنا تھا کہ کسی کو کچھ بتانے کی ضرورت نہیں۔ 10 مئی کو سب پتہ چل گیا جو قومیں شہیدوں کی تنصیبات کو روندیں وہ کچرے کے ڈھیر میں جاگرتی ہیں۔ نواز شریف نے 28 مئی 1998 کو پاکستان کو ایٹمی طاقت بنایا۔

آپ نے جو 10 مئی کو جنگ جیتی پتہ چل گیا کس نے کیا کیا۔ 10 مئی کو جنگ جیت کر سب کو پتہ چل گیا 9 مئی اور 28 مئی کو کس نے کیا کیا۔ لیہ والوں سے جو مجھے پیار اور عزت ملی کبھی نہیں بھول سکتی۔ چھوٹا شہر ہی صحیح لیکن لیہ بھی میرے دل کے بہت قریب ہے۔ ڈی جی خان بھی میرے لئے بہت اہمیت کا حامل ہے۔ لاہور میں پاکستان کا پہلا سرکاری پری سکول بنایا ہے۔ پورے پاکستان میں کوئی پرائیویٹ سکول اتنا شاندار نہیں ہو گا۔ وزیر تعلیم رانا سکندر حیات نے بھی اپنے بچے کو اس سکول میں داخل کرایا ہے۔محکمہ تعلیم تعلیم کو 110 ارب روپے دیئے ہیں۔ میرے پاس پنجاب میں 50 ہزار سکول ہیں۔ وزیر تعلیم رانا سکندر حیات کو شاباش دینا چاہتی ہوں۔