Live Updates

طلبہکیلئے سپورٹس کمپلیکس کے دروازے کھول دیئے ، رانا ثنا اللہ

نوجوان ہمارا روشن مستقبل ہے، کھیلوں کی ترقی کیلئے کوشاں ہیں، تقریب سے خطاب

منگل 3 جون 2025 19:38

طلبہکیلئے سپورٹس کمپلیکس کے دروازے کھول دیئے ، رانا ثنا اللہ

اسلام آباد (اُردو پوائنٹ اخبارتازہ ترین - آن لائن۔ 03 جون2025ء) وزیراعظم کے مشیر براے بین الصوبائی رابطہ رانا ثنا اللہ نے کہا ہے کہ نوجوان ہمارا روشن مستقبل ہے، سرکاری سکولوں کے بچوں کیلئے اسپورٹس کمپلیکس کے دروازے کھول دیے گئے ہیں، وزیراعظم کی قیادت میں کھیلوں کی ترقی کیلئے کوشاں ہیں۔ ان خیالات کا اظہار انہوں نے پاکستان سپورٹس کمپلیکس اسلام آباد میں وزارت بین الصوبائی رابطہ کی جانب سے سرکاری سکولز میں کھیلوں کا سامان تقسیم کرنے کی تقریب سے خطاب کرتے ہوے کیا جس میں وفاقی سیکرٹری بین الصوبائی رابطہ محی الدین وانی، ڈی جی پاکستان سپورٹس بورڈ یاسر پیرزادہ، پارلیمانی سیکرٹری تعلیم فرح ناز اکبر، ایم این اے انجم عقیل سمیت دیگر نے شرکت کی۔

تقریب سے خطاب کرتے ہوے رانا ثنا اللہ نے کہاکہ ملک میں کھیلوں کے کلچرل کو فروغ دینے کیلئے کوشاں ہیں ، بچے کھیلوں کی سرگرمیوں میں بھرپور حصہ لیں، ہمیں ملکر مثبت معاشرہ پروان چڑھانا ہے۔

(جاری ہے)

انہوں نے کہا کہ وزیراعظم کی قیادت میں نوجوانوں کو ہر ممکن وسائل فراہم کرے گے، صحت مندقوم اورصحت مندانہ سرگرمیوں کیلئے ملکر آگیبڑھنا ہوگا۔ تقریب سے خطاب کرتے ہوے ڈی جی پاکستان اسپورٹس بورڈ یاسرپیرزادہ نے کہا کہ سرکاری اسکولوں کے طلباء میں پچیس ہزار ٹریک سوٹس تقسیم کیے جائیں گے، ہر طالب علم اپنی پسند کے کھیلے میں شرکت کریگا، پاکستان اسپورٹس بورڈ طلباء کو کوچز بھی فراہم کریگا۔ تقریب میں سرکاری سکولز میں 25ہزار سپورٹس کٹس تقسیم کی گئی۔