آپریشن بلیو سٹار، سکھ عقیدے اور شناخت پر بھارت کاوحشیانہ حملہ

اسلام آباد (اُردو پوائنٹ اخبارتازہ ترین - این این آئی۔ 05 جون2025ء) جون 1984 کے پہلے ہفتے میں بھارتی فوج نے آپریشن بلیو سٹار شروع کیا، امرتسر میں سکھوں کے مقدس ترین عبادت گاہ گولڈن ٹیمپل پر دھاوا بول دیااور ایک مقدس مذہبی تقریب کے دوران خواتین اور بچوں سمیت ہزاروں بے گناہ سکھوں کو گولیوں کا نشانہ بنایا ۔کشمیر میڈیا سروس کے مطابق،عینی شاہدین اور آزاد مبصرین کی رپورٹ ہے کہ صرف امرتسر میں 5ہزار سے زائد سکھوں کو قتل کیا گیا۔

ٹینکوں، توپ خانے اور مارٹر فائر سے ہرمندر صاحب کمپلیکس کو تباہ کر دیا گیا اور سکھ مت کی روحانی علامت اکال تخت کو ملبے کے ڈھیر میں تبدیل کیا گیا۔فوجی آپریشن 4 جون 1984 کو گرو ارجن دیو جی کے یوم شہادت کے موقع پر شروع کیا گیا تھا جب ٹیمپل میں ہزاروں یاتری جمع تھے۔

(جاری ہے)

اس وقت کی بھارتی حکومت نے بات چیت کے بجائے وحشیانہ فوجی طاقت سے جواب دیا۔

آپریشن بیلو سٹار کے دوران مارا جانے والا جرنیل سنگھ بھنڈرانوالہ دہشت گرد نہیں تھا بلکہ سکھوں کے لیے انصاف، خودمختاری اور آئینی حقوق کا مطالبہ کرنے والا رہنما تھا۔ ان کی تحریک نے کئی دہائیوں کے سیاسی اور مذہبی امتیازات کو دور کیا۔ بھارتی ریاست نے اس نظریاتی مزاحمت کا مقابلہ بات چیت سے نہیں بلکہ گولیوں سے کیا۔اس آپریشن نے خود بھارتی فوج کے اندر ایک تاریخی بغاوت کو جنم دیا، کیونکہ 2سو سے زائد سکھ فوجیوں نے احتجاج میں فوجی چھاؤنیوں میں بغاوت کی۔

ان لوگوں کو غدار قرار دیا گیا، بہت سوں کا کورٹ مارشل کیا گیا ۔اکتوبر 1984 میں وزیر اعظم اندرا گاندھی کو ان کے سکھ محافظوں نے قتل کیا جس کے بعد بھارت بھر میں ریاستی سرپرستی میں سکھوں کا قتل عام کیا گیا ۔ تین دنوں میں صرف دہلی میں 3ہزار سے زائد سکھ قتل کیے گئے۔ پولیس خاموش تماشائی بنی رہی اور ہندو غنڈوں کو کھلی چھٹی دی۔غنڈے بڑے پیمانے پر عصمت دری، آتش زنی اور قتل کی وارداتیں کرتے رہے۔

1984 کے ان المناک واقعات سے سکھوں کو سخت ذہنی صدمہ پہنچا اور ہزاروں سکھوں نے کینیڈا، برطانیہ اور امریکہ میں پناہ حاصل کی ۔سکھوں کا خالصتان کا مطالبہ اسی خونریزی اور ناانصافی کے روعمل میں سامنے آیا۔دنیا بھر میں سکھ خالصتان ریفرنڈم کے ذریعے انصاف کی تلاش جاری رکھے ہوئے ہیں۔ دریں اثنا، کینیڈا میں خالصتان تحریک کے رہنما ہردیپ سنگھ ننجر کے قتل، برطانیہ میں اوتار سنگھ کھنڈا کی پراسرار موت اور امریکہ میں گروپتونت سنگھ پنن کے قتل کی سازش نے عالمی سطح پر جاری بھارتی دہشت گردی کا پول کھول دیا ہے۔