Live Updates

احتجاجی تحریک کے اعلان کے بعد حکومت نے الٹا ہم پر مزید دباﺅ ڈالنا شرو ع کر دیاہے، اسد قیصر

احتجاج کی خبروں کے بعد حکومت نے بات چیت کیلئے کوئی رابطہ نہیں کیا ، سینیٹ انتخابات میں تاخیر کیلئے حربے استعمال کئے جا رہے ہیں پہلے ہی فضا بنائی گئی کہ سپریم کورٹ نے کیا فیصلہ دینا ہے، رہنماء پی ٹی آئی کی میڈیا سے گفتگو

فیصل علوی جمعہ 6 جون 2025 15:55

احتجاجی تحریک کے اعلان کے بعد حکومت نے الٹا ہم پر مزید دباﺅ ڈالنا شرو ..

پشاور(اردوپوائنٹ اخبار تازہ ترین۔06 جون 2025)پاکستان تحریک انصاف کے رہنماءاسد قیصر کا کہنا ہے کہ پی ٹی آئی کی جانب سے احتجاجی تحریک کے اعلان کے بعد حکومت نے الٹا ہم پر مزید دباﺅ ڈالنا شروع کر دیاہے، احتجاج کی خبروں کے بعد حکومت نے بات چیت کیلئے کوئی رابطہ نہیں کیابلکہ ہم پر مزید دباو ڈالنے کی کوشش کی جارہی ہے،پشاورمیں میڈیا سے گفتگو کرتے ہوئے رہنماءپی ٹی آئی نے کہا کہ سینیٹ انتخابات میں تاخیر کیلئے حربے استعمال کئے جا رہے ہیں پہلے ہی فضا بنائی گئی کہ سپریم کورٹ نے کیا فیصلہ دینا ہے۔

ابھی فیصلہ آیا بھی نہیں لیکن انہیں یقین ہے کہ وہ سینیٹ میں اپنی نشستیں بڑھائیں گے۔ یہاں جمہوریت صرف نام کی رہ گئی ہے۔ سینیٹ کیلئے ڈرامہ رچایا جا رہا ہے۔ چیف الیکشن کمشنر میں اگر کچھ اخلاقیات ہیں تو استعفیٰ دیدیں۔

(جاری ہے)

الیکشن کمشنر نے تاریخ کے بدترین انتخابات کروائے اس نے عوام کے ووٹ چوری کرنے کا سرٹیفکیٹ خود اپنے سر لے لیا۔چیف الیکشن کمشنر نے جو بحران پیدا کیا وہ ملک میں بڑی دیر تک رہے گا۔

دو تین سال دباو ڈالا لیکن 8 فروری کو انہیں اصل صورتحال کا اندازہ ہو گیا۔گفتگو کے دوران رہنماءپی ٹی آئی اسد قیصر کامزید کہنا تھا کہ سینیٹ انتخابات کا فوری اعلان کیا جائے صوبے کو اس کا حق دیا جائے۔صوبے کو سینیٹ سے محروم رکھ کر آئینی بحران پیدا کیا گیا۔ ایک صوبے کے ساتھ دشمنی اس حد تک بڑھ گئی کہ فنڈز بھی نہیں دئیے جا رہے۔ سینیٹ انتخابات بھی نہیں کروئے جا رہے ہیں۔

ان کا یہ بھی کہنا تھا کہ بلوچستان، سندھ، کشمیر حتیٰ کہ کراچی میں بھی حالات ان کے ہاتھ سے نکل چکے ہیں۔ملک چلانے کیلئے آئین و قانون کی بالادستی ضروری ہے۔ سنجیدگی سے سوچنا ہوگا۔ ملک کو اس وقت بنانا ریپبلک بنا دیا گیا ہے۔واضح رہے کہ گزشتہ روز بھی پاکستان تحریک انصاف کے رہنما اسد قیصر کاکہنا تھا کہ کسی بھی قربانی دینے کیلئے تیارتھے حکومت کو ٹف ٹائم دیں گے۔

اس وقت ایک غیر منتخب حکومت ہے۔ صوبے میں عدم استحکام پیدا کرنے کے پیچھے کیا محرکات ہیں سب کو معلوم تھا۔دنیا نیوز سے گفتگو کرتے ہوئے رہنماءپی ٹی آئی کا کہنا تھا کہ ملک میں اس وقت آئین اور قانون نہیںتھا۔ پی ٹی آئی کے خلاف دائرہ تنگ کیا جا رہا تھا۔ خواتین کی مخصوص نشستوں کا کیس چل رہا تھا ہر کسی کو پتہ ہے یہ کیا ہو رہا تھا۔ہماری قربانی ذات کیلئے نہیں ملک میں آئین اور قانون کی حکمرانی کیلئے تھی۔ان کا کہنا تھا کہ حکومت کو ٹف ٹائم دیں گے۔ ناجائز ٹیکسز اور مہنگائی کے آنے والے طوفان کے خلاف آواز اٹھائیں گے، کسی بھی قربانی دینے کیلئے تیار تھے۔