گلیشیئرز سے لے کر ڈیلٹاز تک: وائسز فرام دی روف آف دی ورلڈ سیزن فور کا آغاز

کراچی (اُردو پوائنٹ اخبارتازہ ترین - این این آئی۔ 11 جون2025ء) اقوام متحدہ کے تجارت و ترقی کے ادارے کی ایک رپورٹ کے مطابق دنیا کے کم ترقی یافتہ ممالک فوسل فیولز اور صنعتوں سے عالمی CO2 اخراج کا صرف 1.1 فیصد حصہ ڈالتے ہیں لیکن گزشتہ 50 برسوں میں موسمیاتی تبدیلی سے متعلق آفات میں ہونے والی اموات کا 69 فیصد ان ممالک میں ہوا ہے۔وائسز فرام دی روف آف دی ورلڈ ایوارڈ یافتہ ڈاکیومینٹری سیریز وسطی اور جنوبی ایشیا کی بلند و بالا پہاڑی سلسلوں سے آگے جا کر متاثرہ علاقوں میں ہنگامی ماحولیاتی کہانیاں تلاش کر رہی ہے۔

ان میں ڈیلٹاز، صحرا، جنگلات اور زیر زمین نظام شامل ہیں ، ایسے علاقے جو اکثر عالمی موسمیاتی گفتگو میں نظر انداز ہو جاتے ہیں۔ یہ سیریز اپنے چوتھے سیزن کی تیاری کا آغاز کر چکی ہیجو 2025 کی آخری سہ ماہی میں نشر کیا جائے گا۔

(جاری ہے)

تاجکستان کے پامیر پہاڑوں کے دل سے لے کر کرغزستان کے خطرناک گلیشیئرز، پاکستان کے پنجاب کے خشک نمک کے پہاڑوں سے لے کر نیپال کے زرخیز جنگلات اور دریاں تک، VRW کا سیزن فور ناظرین کو پاکستان، بھارت، نیپال، کرغزستان، تاجکستان، ازبکستان کے دلکش سفر پر لے جائے گا۔

VRW کا مقصد ان لوگوں کی آوازوں کو اجاگر کرنا ہے جو سب سے زیادہ متاثر ہیں اور یہ دکھانا ہے کہ موسمیاتی تبدیلی کس طرح زندگیاں اور مناظر کو بدل رہی ہے اور لوگ کس طرح استقامت، ذہانت اور گہری ثقافتی حلوں کے ساتھ جواب دے رہے ہیں۔ یہ کہانیاں جگہ سے گہری جڑی ہوئی ہیں لیکن ایک عالمی تشویش کی بازگشت بھی رکھتی ہیں ماحولیاتی تباہی کے سامنے ہم کس طرح ردعمل دیتے ہیں یہ سیریز آغا خان یونیورسٹی (AKU) اور آغا خان ایجنسی فار ہیبی ٹیٹ کی مشترکہ پیشکش ہے۔

اسے پرنس صدرالدین آغا خان فنڈ فار دی انوائرنمنٹ، روس بیٹی، سٹکا فانڈیشن، جینابائی حسین علی شریف فیملی، گلشن قسام علی جیوا فیملی اور آغا خان فانڈیشن کی فراخدلانہ معاونت حاصل ہے۔سلیمان شہاب الدین ، صدر، آغا خان یونیورسٹی نے کہا کہ" ہم اپنے پرانے اور نئے معاونین کے بے حد شکر گزار ہیں اوران کی حمایت ان کہانیوں کو زندگی بخشنے میں اہم رہی ہے کہانیاں جو پالیسی سازوں، کاروباری رہنماں اور عوام کو موسمیاتی تبدیلی کو الٹنے، ماحولیاتی تباہی کو روکنے اور سیارے کے قدرتی وسائل کے تحفظ کے لیے بامعنی اقدامات کی ترغیب دینے کے لیے بنائی گئی ہیں۔

"اینڈریو ٹکاش، وائسز فرام دی روف آف دی ورلڈ کے ایگزیکٹو پروڈیوسر اور ملٹی ایمی ایوارڈ یافتہ کہتے ہیں کہ"مقامی فلم سازوں کی مالی معاونت اور رہنمائی کے ذریعے جن میں کئی باصلاحیت خواتین بھی شامل ہیں ہم انہیں اپنے علاقے کے لوگوں اور جنگلی حیات پر پڑنے والے موسمیاتی بحران کی شدت سے آگاہی پھیلانے میں مدد دے رہے ہیں۔"VRW کی ڈاکیومینٹری اقساط کو بین الاقوامی اور مقامی سطح پر پذیرائی ملی ہے اور اب تک 18 ایوارڈز جیت چکی ہیں۔

ان میں جان بی. اوکس ایوارڈ فار ڈسٹنگوشڈ رپورٹنگ آن دی انوائرنمنٹ (2023)، یوگو BAFTA اسٹوڈنٹ فلم ایوارڈ ان ڈاکیومینٹری (2024)، ہنگری کے انٹرنیشنل نیچر اینڈ انوائرنمنٹل پروٹیکشن فلم فیسٹیول اور نیپال یورپی یونین فلم فیسٹیول میں انعامات شامل ہیں۔ 30 سے زائد اقساط کو 50 سے زیادہ بین الاقوامی فلم فیسٹیولز میں دکھایا جا چکا ہے اور انہیں الجزیرہ، ARTE، کرنٹ ٹی وی چیک ریپبلک، شارجہ ٹی وی، اور PBS شارلٹ پر نشر کیا گیا ہے۔