Live Updates

اسرائیلی اشتعال انگیز کارروائیاں علاقائی و عالمی امن و سلامتی کیلیے سنگین خطرہ ہے،اعجاز چوہدری

اسرائیلی جارحیت کو نکیل ڈالنے کے لئے عالمی برادری کا ضمیر کب جاگے گا ایران پر اسرائیلی دہشتگردی کی شدیدمذمت کرتے ہیں

ہفتہ 14 جون 2025 11:22

مکوآنہ (اُردو پوائنٹ اخبارتازہ ترین - این این آئی۔ 14 جون2025ء)پاکستان پیپلز پارٹی کے ضلعی صدر محمد اعجازچوہدری نے کہا کہ، اسرائیلی اشتعال انگیز کارروائیاں علاقائی و عالمی امن و سلامتی کیلیے سنگین خطرہ ہے اسرائیلی جارحیت کو نکیل ڈالنے کے لئے عالمی برادری کا ضمیر کب جاگے گا ایران پر اسرائیلی دہشتگردی کی شدید الفاظ میں پیپلز پارٹی مذمت کرتی ہے عالمی دہشت گرد اسرائیل اپنی شیطانیت اور تخریب کاری سے دنیا کے امن کو تباہ کرنے پر تلا ہوا ہے اگر ٹرمپ کو پہلے سے پتہ تھا تو امریکی صدر نے اسرائیل کو ایران پر حملہ کرنے سے کیوں نہیں روکا امریکہ کو اس کا جواب دینا پڑے گاضلعی صدر محمد اعجاز چوہدری نے کہا کہ ایران کے خلاف اسرائیلی وحشیانہ جارحیت کی پاکستانی قوم اور پیپلز پارٹی مذمت کرتے ہیں یاپاکستان ایرانی عوام کے ساتھ مکمل یکجہتی کا اظہار کرتا ہے محمد اعجاز چوہدری کا کہنا ہے کہ عالمی برادری اور اقوام متحدہ فوری طور پر یہ جارحیت رکوائیں، عالمی قوانین کی حفاظت اور حملہ آور کو جوابدہ بنانے کی ذمہ داری اقوام متحدہ پر عائد ہوتی ہے۔

(جاری ہے)

چند گھنٹوں میں ایران کی طرف سے 100 سے زائد ڈرونز اسرائیل کی جانب آئے، اسرائیلی فوج کے حملے افسوس ناک ہے عوام پاکستان کی جانب سے کہا گیا کہ یہ حملے اقوام متحدہ کے چارٹر اور بین الاقوامی قوانین کی صریحاً خلاف ورزی ہیں، ایران کو اقوام متحدہ کے چارٹر کے آرٹیکل51 کے تحت دفاع کا مکمل حق حاصل ہے۔ پیپلز پارٹی کے رہنما محمد اعجاز چوہدری کا مزید کہنا ہے کہ اسرائیلی فوجی کارروائیاں ایران کی خود مختاری اور علاقائی سالمیت کی کھلی خلاف ورزی ہیں۔ہم اپنے اسلامی برادر ملک ایران کی عوام اور حکومت کے ساتھ کھڑے ہیں اور اسرائیلی غنڈہ گردی اور تخریب کاری کوروکنے کے لئے امریکی صدر اپنا امن پسندی کا کردار ادا کرے