Live Updates

کاروباری ہفتے کے تیسرے روز بھی سونے کی قیمت میں 2 ہزار 245 روپے کی کمی ہوگئی

سونے کی قیمت کم ہوکر 3 لاکھ 59 ہزار 55 روپے کی سطح پر آگئی ہے، دس گرام سونے کی قیمت میں بھی ایک ہزار 925 روپے کی کمی ہوگئی

ثنااللہ ناگرہ بدھ 18 جون 2025 19:03

کاروباری ہفتے کے تیسرے روز بھی سونے کی قیمت میں 2 ہزار 245 روپے کی کمی ..

کراچی ( اردوپوائنٹ اخبار تازہ ترین۔ آئی پی اے ۔ 18 جون 2025ء ) عالمی مارکیٹ میں سونے کی قیمتوں میں اتار چڑھاؤ کا سلسلہ جاری ہے، عالمی منڈی میں سونے کے نرخ بڑھنے پر پاکستان میں بھی سونے کی قیمتوں میں نمایاں اضافہ ہوا، لیکن آج سونے کی قیمت میں بڑی کمی ہوگئی ہے۔ میڈیا رپورٹ کے مطابق عالمی مارکیٹ میں سونے کی قیمتوں میں کمی ہونے کے باعث پاکستان میں بھی سونے کی قیمت کم ہو گئی ہے۔

تین روز میں سونے کی قیمت میں 3 ہزار 945 روپے کی کمی ریکارڈ کی گئی۔ آج سونے کی قیمت میں 2 ہزار 245 روپے کمی ہوگئی ہے، فی تولہ سونے کی قیمت کم ہونے کے بعد مقامی صرافہ بازاروں میں نئی قیمت 3 لاکھ 59 ہزار 55 روپے ہوگئی ہے۔ اسی طرح دس گرام سونے کی قیمت بھی کم ہوگئی ہے۔ 10 گرام سونے کی قیمت میں ایک ہزار 925 روپے کی کمی ہوئی ہے۔

(جاری ہے)

دس گرام سونے کی نئی قیمت 3 لاکھ 7 ہزار831 روپے کی سطح پر آ گئی ہے۔

دوسری جانب ملک کے بڑے کلبز پر ٹیکس لگانے کی تجویز منظور،بڑے کلبوں نے اپنے اکاؤنٹس میں اربوں رکھے ہوئے ہیں،سینیٹ کی قائمہ کمیٹی خزانہ کا اجلاس سینیٹر سلیم مانڈوی والا کی زیر صدارت ہوا جس میں چیئرمین ایف بی آر نے بریفنگ دی ، چیئرمین ایف بی آر راشد محمود لنگڑیال نے کہا کہ اسلام آباد کلب سمیت کئی کلب 3 ہزارلوگوں کی عیاشی کیلئے بنے ہیں۔

بڑے بڑے کلبوں نے اربوں روپے اپنے اکاؤنٹس میں رکھے ہوئے ہیں۔ چیئرمین ایف بی آر نے کہا کہ ایک ایک ملین ڈالر کی زمین ہے اور چند لوگ عیاشی کررہے ہیں کسی بھی کلب کے منافع پر ٹیکس لگایا جائے گا، اجلاس میں سینیٹ کی قائمہ کمیٹی خزانہ نے ملک کے بڑے بڑے کلبز پر ٹیکس لگانے کی تجویز منظور کی۔چیئرمین ایف بی آر کا کہنا تھا کہ ایک ایک ملین ڈالر کی زمین ہے جہاں صرف چند لوگ عیاشی کررہے ہیں کسی بھی کلب کے منافع پر ٹیکس لگایا جائیگا۔

اجلاس میں چیئرمین ایف بی آر نے اس کے علاوہ کمیٹی کو بتایا کہ آئندہ بجٹ میں 6 لاکھ روپے سالانہ انکم ٹیکس چھوٹ کی تجویز ہے۔ 6 سے 12 لاکھ روپے سالانہ آمدن پرٹیکس 2.5 فیصد ہوگا۔ ایک لاکھ روپے ماہانہ تنخواہ پرایک ہزار روپے ٹیکس دینے سے کوئی آسمان نہیں گرے گا۔