پاک فضائیہ کے ہیرو ایم ایم عالم کا90واں یوم پیدائش 6 جولائی کو منایا جائے گا

جمعرات 19 جون 2025 13:21

مکوآنہ (اُردو پوائنٹ اخبارتازہ ترین - این این آئی۔ 19 جون2025ء)پاک فضائیہ کے ہیرو ایم ایم عالم کا90واں یوم پیدائش6 جولائی کو منایا جائے گا اس سلسلہ میں فیصل آباد سمیت مختلف شہروں میں تقریبات کا اہتمام کیا جائے گا۔

(جاری ہے)

ایم ایم عالم کا صل نام محمد محمودعالم تھاوہ 6جولائی1935 کو کلکتہ میں پیداہوئے ایم ایم عالم1952 میں پاکستان ائیرفورس میں شامل ہوئے 1965کی پاک بھارت جنگ میں سرگودھا کے محاز پر ایک ڈاک فائٹ کے دوران پانچ انڈین ہنٹر جنگی طیارے ایک منٹ کے اندر مار گرائے جن میں چار تیس سیکنڈ کے اندر مار گرائے تھے یہ ایک عالمی ریکارڈ تھا اس جنگ کے دوران ایم ایم عالم نے مجموعی طورپر دشمن کے نو طیارے مار گرائے اور دوطیاروں کو نقصان پہنچایا اس کارنامے پر انہیں دو مرتبہ ستارہ جرات کا اعزاز عطاکیا گیا ایم ایم عالم18 مارچ2013 کو کراچی میں طویل علالت کے بعد انتقال کر گئے تھے