Live Updates

فلم ایسا میڈیم ہے جس سے ہم اپنا موقف دنیا کے سامنے رکھ سکتے ہیں، سلطانہ صدیقی

جمعہ 20 جون 2025 12:14

کراچی(اُردو پوائنٹ اخبارتازہ ترین - این این آئی۔ 20 جون2025ء) صدر ہم نیٹ ورک سلطانہ صدیقی نے کہا ہے کہ فلم ایسا میڈیم ہے جس سے ہم اپنا موقف دنیا کے سامنے رکھ سکتے ہیں۔ اور نوجوانوں کے تخلیقی کام کو محفوظ بنانے کے لیے بھی کام کر رہے ہیں۔ہم نیٹ ورک کی صدر سلطانہ صدیقی نے پاکستان انٹرنیشنل فلم فیسٹیول کی تقریب سے خطاب کرتے ہوئے کہا کہ اسمبلی میں بجٹ کا سیشن بھی چل رہا ہے لیکن شرجیل میمن ہمیشہ ایک آواز پر چلے آتے ہیں۔

انہوں نے کہا کہ ہمیں مالکانہ حقوق کے حوالے سے نوجوانوں کو تعلیم دینا ہو گی۔

(جاری ہے)

اور جب میں نے فلم سوسائٹی بنائی تو نوجوانوں کے کام کو دیکھ کر اندازہ ہوا کہ ان کے کام کو دنیا کے سامنے لانا ہے۔سلطانہ صدیقی نے کہا کہ نوجوانوں کے تخلیقی کام کو محفوظ بنانے کے لیے بھی کام کر رہے ہیں۔ اور سندھ حکومت نے میرا بہت ساتھ دیا۔انہوں نے کہا کہ فلم ایسا میڈیم ہے جس سے ہم اپنا موقف دنیا کے سامنے رکھ سکتے ہیں۔ اور حالیہ پاک بھارت جنگ میں ہمارے میڈیا نے ذمہ دارانہ کردار نبھایا۔صدر ہم نیٹ ورک نے کہا کہ سندھ حکومت نے پہلی بار فلم فیسٹیول کے لیے بجٹ رکھا ہے۔ اور سندھ حکومت بچوں کی جبری شادی اور خواتین کے حوالے سے جو قانون سازی کرتی ہے وہ بے مثال ہے۔