سپورٹس ڈیپارٹمنٹ فیصل آباد کے زیراہتمام دوسری انڈر 17 بوائز اینڈ گرلز نیشنل جونیئر تائیکوانڈو چیمپئن شپ کا آغاز

پیر 23 جون 2025 11:00

مکوآنہ (اُردو پوائنٹ اخبارتازہ ترین - این این آئی۔ 23 جون2025ء)سپورٹس ڈیپارٹمنٹ فیصل آباد/ڈائریکٹوریٹ سپورٹس ایگریکلچر یونیورسٹی آف فیصل آباد کے زیر اہتمام دوسری انڈر 17 بوائز اینڈ گرلز نیشنل جونیئر تائیکوانڈو چیمپئن شپ شروع ہوگئی۔ سابق ایم پی اے ڈاکٹر نجمہ افضل نے ایونٹ کا افتتاح کیا۔

(جاری ہے)

ان کے ہمراہ سیکرٹری جنرل پاکستان تائیکوانڈو فیڈریشن مرتضیٰ حسن بنگش،سیکرٹری جنرل پنجاب تائیکوانڈو ایسوسی ایشن ڈاکٹر اظہار الحق ڈویژنل سپورٹس آفیسر فیصل آباد شاہ منظر فرید ڈائریکٹر سپورٹس ایگریکلچر یونیورسٹی آف فیصل آباد عاطف بھٹی اور دیگر ایسوسی ایشن کے عہدیداران بھی موجود تھے۔

چیمپئن شپ میں پاکستان آرمی، پاکستان واپڈا، پاکستان ریلوے، آزاد جموں و کشمیر، گلگت بلتستان، اسلام آباد، سندھ، پنجاب، خیبرپختونخوا اور بلوچستان کی نمائندہ ٹیمیں شرکت کر رہی ہیں۔ منتظمین کے مطابق چیمپئن شپ کا مقصد نوجوان کھلاڑیوں کو قومی سطح پر اپنی صلاحیتوں کے اظہار کا موقع فراہم کرنا اورتائیکوانڈو کے کھیل کو فروغ دینا ہے۔