گورنرسندھ کامران خان ٹیسوری فریضہ حج کی ادائیگی کے بعد وطن واپس پہنچ گئے

پیر 23 جون 2025 22:23

کراچی (اُردو پوائنٹ اخبارتازہ ترین - اے پی پی۔ 23 جون2025ء) گورنر سندھ کامران خان ٹیسوری فریضہ حج کی ادائیگی کے بعد وطن واپس پہنچ گئے،پیر کو گورنر ہائوس سے جاری اعلامیہ کے مطابق گورنر سندھ کامران خان ٹیسوری کاحج سے واپسی پر ارکانِ صوبائی اسمبلی سندھ، ایم کیو ایم پاکستان کے سینئر رہنما ڈاکٹر فاروق ستار، جے ڈی سی کے ظفر عباس اور عوام کی بڑی تعداد نے کراچی ائیرپورٹ پر شاندار استقبال کیا۔

(جاری ہے)

گورنر سندھ کی آمد پر شہریوں نے والہانہ نعروں، گل پاشی اور ہار پہنا کر خیر مقدم کیا۔کراچی ائیرپورٹ پر حاجیوں کے استقبال کے لیے آئے افراد نے اپنے لائے گئے ہار بھی گورنر سندھ کو پہنائے اور خوشی کا اظہار کیا۔گورنر سندھ عوامی ریلی کے ہمراہ گورنر ہائوس پہنچے، استقبال کے لیے آئے افراد سے فردا فردا ملاقات کی۔