Live Updates

ﷺپنجاب اسمبلی میں ہنگامہ آرائی‘ ضلع رحیم یارخان سے تعلق رکھنے والے 4ممبران صوبائی اسمبلی کے اسمبلی میں داخلے پر پابندی عائد

×ممبران اسمبلی عدالت کے احکامات پر بحال ہونیوالے ممبران اسمبلی کو جاری سیشن میں شرکت سے روکنے اور ہنگامہ کرنے میں ملوث

ہفتہ 28 جون 2025 21:35

ج* رحیم یار خان(اُردو پوائنٹ اخبارتازہ ترین - آن لائن۔ 28 جون2025ء)پنجاب اسمبلی میں ہنگامہ آرائی‘ ضلع رحیم یارخان سے تعلق رکھنے والے 4ممبران صوبائی اسمبلی کے اسمبلی میں داخلے پر پابندی عائد کردی گئی‘ممبران اسمبلی عدالت کے احکامات پر بحال ہونیوالے ممبران اسمبلی کو جاری سیشن میں شرکت سے روکنے اور ہنگامہ کرنے میں ملوث ہیں۔

(جاری ہے)

تفصیل کے مطابق گذشتہ روز پنجاب اسمبلی کے جاری بجٹ سیشن کے دوران عدالت کے حکم پر بحال ہونیوالے ممبران اسمبلی کو اسمبلی ہال میں داخل ہونے سے روکنے اور ہنگامہ آرائی کرنے پر اسپیکرپنجاب اسمبلی ملک محمداحمدخان نے ہنگامی آرائی کرنے پر ضلع رحیم یارخان سے تعلق رکھنے والے پاکستان تحریک انصاف کے 4ممبران صوبائی اسمبلی حلقہ پی پی 258 سے اعجازشفیع‘ پی پی 260 سے محترمہ صائمہ کنول‘ پی پی 263 سے محمدنعیم شفیق اور پی پی 265سے سجاد احمدوڑائچ کو رولز آف پروسیجر صوبائی اسمبلی پنجاب 1997ئ کے قاعدہ 210(3) کے تحت عطا کردہ اختیارات کو بروئے کار لاتے ہوئے اسمبلی کی 15نشستوں کیلئے معطل کردیاگیا۔

واضح رہے کہ ضلع رحیم یارخان سے پاکستان تحریک انصاف کے 7ممبران صوبائی اسمبلی نے سابقہ الیکشن میں کامیابی حاصل کی تھی۔