حسینیتؓ حق کی فتح یزیدیت کی موت ہے ،مولانا محمدامین انصاری

وحدت و حریت پیغام حسینیؓ ہے،فرقہ واریت استعماری ایجنڈا ہے،وقت کی ظالم یزیدیت کیخلاف تاقیامت حسینیتؓ مظلوموں کیساتھ رہے گی،شیخ الحدیث مفتی محمد دائود کوئی مسلمان اصحاب رسول ؐ و اہل بیت اطہارؓ کی گستاخی کا تصور تک نہیں کرسکتا،متحدہ علماء محاذ کے پیغام حسینیت سیمینار سیعلامہ عبدالخالق فریدی سلفی، مولانا منظرالحق تھانوی، مفتی وجیہہ الدین، مفتی عبدالغفور اشرفی،مولانا قاری محمداقبال رحیمی و دیگر کا خطاب

بدھ 2 جولائی 2025 19:10

ْکراچی(اُردو پوائنٹ اخبارتازہ ترین - این این آئی۔ 02 جولائی2025ء)متحدہ علماء محاذ پاکستان کے بانی سربراہ مولانا محمدامین انصاری کی زیر صدارت مرکزی سیکریٹریٹ گلشن اقبال میں پیغام حسینیت سیمینار میں شریک مہمانان خصوصی ممتاز مذہبی اسکالر شیخ القرآن مولانا محمد طاہر پنج پیری ؒ ، شیخ القرآن مولانا غلام اللہ خان ؒ کے شاگرد حاجی فیاض ، علامہ عبدالخالق فریدی سلفی، شیخ الحدیث مولانا مفتی محمد دائود ، مولانا منظرالحق تھانوی، مفتی وجیہہ الدین، علامہ مفتی عبدالغفور اشرفی،مولانا قاری محمداقبال رحیمی ودیگرنے خطاب کرتے ہوئے کہا ہے کہ حسینیت حق کی فتح یزیدیت کی موت ہے، وحدت و حریت پیغام حسینیؓ ہے،محرم امن و اتحاد ایثار وقربانی کا درس دیتاہے،فرقہ واریت استعماری ایجنڈا ہے،وقت کی ظالم یزیدیت کیخلاف تاقیامت حسینیتؓ مظلوموں کیساتھ رہے گی،کوئی مسلمان اصحاب رسول ؐ و اہل بیت اطہارؓ کی گستاخی کا تصور تک نہیں کرسکتا۔

(جاری ہے)

ایران نے اسرائیلی امریکی جارحیت کے خلاف قابل تقلید و ستائش مزاحمتی حسینی کردار اداکیا ہے۔ غزہ فلسطین کے مظلوم مسلمان بھی قبلہ اول بیت المقدس اور اسلام کی بقاء و تحفظ کیلئے ظالم استعماری قوتوں کے خلاف کردار حسینی کا علم بلند کئے ہوئے ہیں۔علماء و ذاکرین تقاریر و مجالس میں د ل آزارمنافرت انگیز فرقہ وارانہ اختلافی امور سے اجتناب اور اہل بیت اطہارؓ کی امن آفرین انقلابی تعلیمات و افکار اور پیغام حسینی ؓ کو اجاگر کریں۔شیعہ سنی علماء مل کر اسلام و پاکستان کے خلاف فرقہ وارانہ استعماری سازشوں کو ناکام بنادیں۔شرپسندوں پر کڑی نگاہ رکھیں اور سیکورٹی اداروں پولیس افسران و انتظامیہ کے ساتھ رابطے و تعاون جاری رکھیں ۔