پاک بھارت جنگ بندی میں صدر ٹرمپ کا کردار نہ ہونے سے متعلق مودی حکومت کا دعویٰ جھوٹا قرار

بدھ 9 جولائی 2025 15:24

واشنگٹن (اُردو پوائنٹ اخبارتازہ ترین - اے پی پی۔ 09 جولائی2025ء) امریکا نے پاک بھارت جنگ بندی میں صدر ڈونلڈ ٹرمپ کا کردار نہ ہونے سے متعلق مودی کا دعویٰ جھوٹے قراردے دیا۔کشمیر میڈیا سروس کے مطابق ترجمان امریکی محکمہ خارجہ ٹیمی بروس نے پریس بریفنگ کے دوران کہا کہ اکثر تبصرے خود اپنی وضاحت کردیتے ہیں، حقیقت جاننے کے لئے جدید دور میں کوئی بھی کسی ایک تبصرے پر انحصار نہیں کرتا۔

(جاری ہے)

ترجمان نے کہا کہ بعض لوگوں کی رائے غلط ہوتی ہے، صدر ڈونلڈ ٹرمپ نے جنگ بندی کا کام آسان بنا دیا ۔امریکی محکمہ خارجہ کی ترجمان کا کہنا تھا کہ نائب صدر جے ڈی وینس بھی پاک بھارت جنگ بندی کے معاملے میں شامل تھے ۔واضح رہے کہ پاک بھارت جنگ بندی میں امریکی صدر ڈونلڈ ٹرمپ متعدد مرتبہ کردار ادا کرنے کا دعویٰ کرچکے ہیں جب کہ بھارتی حکومت اس معاملے میں امریکی کردار کو مسترد کرتی آئی ہے۔