موسلا دھار بارش کے باعث ملک کے مختلف علاقوں میں مقامی و برساتی ندی نالوں میں طغیانی کا خدشہ ہے، محکمہ موسمیات کا انتباہ

اسلام آباد (اُردو پوائنٹ اخبارتازہ ترین - اے پی پی۔ 09 جولائی2025ء) محکمہ موسمیات نےانتباہ جاری کرتے ہوئے کہا ہے کہ بدھ کی رات اور 10 جولائی کے دوران موسلا دھار/شدید موسلادھار بارش کے باعث مری، گلیات، مانسہرہ، کوہستان،ایبٹ آباد، بونیر، چترال، دیر، سوات، شانگلہ، نوشہرہ، صوابی، مردان، اسلام آباد/راولپنڈی، ڈی جی خان، شمال مشرقی پنجاب ،کشمیر، گلگت بلتستان اور بلوچستان (بارکھان، کوہلو ، موسی خیل، ڈیرہ بگٹی ،نصیر آباد، سبی ،لورالائی ، ژوب ، قلات، خضدار، لسبیلہ، آواران، پنجگور، تربت )کے مقامی /بر ساتی ندی نالوں میں طغیانی کا خدشہ ہے، شدید بارشوں کے باعث خیبرپختونخوا، مری، گلیات ،کشمیر اور گلگت بلتستان میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ ہے، شدید بارشوں کے باعث اسلام آباد/راولپنڈی، گوجرانوالہ، لاہور، سیالکوٹ، سرگودھا، فیصل آباد، نوشہرہ اور پشاور کے نشیبی علا قے زیر آب آنے کا اندیشہ ہے اور عوام الناس کو احتیاط کی ہدایت کی ہے۔

(جاری ہے)

محکمہ موسمیات کے مطابق کل جمعرات کو اسلام آباد، پنجاب ،خیبر پختونخوا، شمال مشر قی بلو چستان ، کشمیر اور گلگت بلتستان میں تیز ہوائوں اور گرج چمک کے ساتھ بارش کی توقع ہے۔ اس دوران چند مقامات پر تیز /موسلادھار بارش بھی متوقع ہے۔گذشتہ 24 گھنٹوں کے دوران پنجاب ، اسلام آباد ، خیبرپختونخوا اور کشمیر میں گرج چمک کے ساتھ بارش جبکہ چند مقامات پر مو سلادھار بارش بھی ہوئی۔

گلگت بلتستان میں بعض مقامات پر ہلکی بارش ہوئی۔سب سے زیادہ بارش پنجاب: لاہور (ایئرپورٹ 70، سٹی 52)، اسلام آباد (سید پور 61، سٹی 39، گولڑہ 33، ایئرپورٹ 25، بوکرا 21)، راولپنڈی (شمس آباد 27، چکلالہ 26، پیرودھائی 17، کچہری 10)، خانیوال 51، فیصل آباد36،مری35، منڈی بہائوالدین 35، منگلا 27، شیخوپورہ 25، جہلم، قصور 19، ساہیوال 15، ٹوبہ ٹیک سنگھ 13، اوکاڑہ 11، گجرات 10، سیالکوٹ (سٹی 09، ایئرپورٹ 04)، جھنگ 08، ملتان ایئرپورٹ 02، گوجرانوالہ،بہاولپورسٹی03، حافظ آباد، اٹک، بہاولنگر 01،کشمیر: مظفرآباد (ایئرپورٹ 49، سٹی 47)، گڑھی دوپٹہ 34، راولاکوٹ 20، کوٹلی 17، خیبرپختونخوا: کاکول 42، دیر 26، مالم جبہ 19، پٹن 17، سیدو شریف 14، تخت بھائی12، بالا کوٹ 11، چراٹ 07، لوئر دیر 04، پشاور 01،بلوچستان: لسبیلہ میں 04 ملی میٹر بارش ریکارڈ کی گئی۔

بدھ کوریکارڈ کئے گئے زیادہ سےزیادہ درجہ حرارت : نوکنڈی46،دالبندین 45، دادو43 اور سبی میں 42 ڈگری سینٹی گریڈ ریکارڈ کیا گیا۔