نائب وزیر اعظم سینیٹر محمد اسحاق ڈار کی ملائشیا کے وزیر اعظم انور ابراہیم سے ملاقات، دوطرفہ تعلقات کو مزید مستحکم کرنے کے عزم کا اعادہ کیا

جمعہ 11 جولائی 2025 13:09

پتراجایا (اُردو پوائنٹ اخبارتازہ ترین - اے پی پی۔ 11 جولائی2025ء) نائب وزیر اعظم اور وزیر خارجہ سینیٹر محمد اسحاق ڈار نے ملائشیا کے وزیر اعظم داتو سری انور ابراہیم سے پتراجایا میں ملاقات کی۔ جمعہ کو دفتر خارجہ کے مطابق انہوں نے وزیراعظم محمد شہباز شریف کی جانب سے نیک خواہشات کا اظہار کیا اور ملائشیا کے ساتھ دوطرفہ تعلقات کو مزید مستحکم کرنے کے پاکستان کے عزم کا اعادہ کیا۔

نائب وزیر اعظم نے سال 2025 کے لئے آسیان چیئر کی حیثیت سے ملائیشیا کی قیادت کو بھی سراہا۔

(جاری ہے)

اس موقع پر ملائشیا کے وزیر اعظم انور ابراہیم نے گرمجوش جذبات کا اظہار کیا اور کہا کہ وہ اس سال اکتوبر میں وزیر اعظم محمد شہباز شریف کے دورے کے منتظر ہیں۔ نائب وزیر اعظم محمد اسحاق ڈار نے اے آر ایف 2025 کے وزارتی اجلاس میں پرتپاک مہمان نوازی اور متاثر کن انتظامات پر وزیر اعظم انور ابراہیم کا شکریہ ادا کیا۔ انہوں نے اکتوبر 2024 میں وزیر اعظم انور ابراہیم کے دورہ پاکستان کے بعد دونوں ممالک کے درمیان تجارت اور سرمایہ کاری کے فروغ کے لئے ملائیشیا کی جانب سے اٹھائے گئے عملی اقدامات کو بھی سراہا۔\932