مودی سرکار نے جھوٹ پر مبنی کتاب شائع کر دی، پاکستان کیخلاف بھارتی پروپیگنڈا بے نقاب

مضحکہ خیز تصنیف بھارتی فوج، حکومت اورانٹلیجنس اداروں کی ناکامیوں پر پردہ ڈالنے کی ایک ناکام کوشش

جمعہ 11 جولائی 2025 21:15

نئی دہلی (اُردو پوائنٹ اخبارتازہ ترین - این این آئی۔ 11 جولائی2025ء)بھارت میں مودی سرکار نے جھوٹ پر مبنی کتاب شائع کردی جبکہ پاکستان کیخلاف بھارتی پروپیگنڈا دنیا بھر میں بے نقاب ہوچکا ہے۔ذرائع کے مطابق بھارت نے مصنوعی ذہانت کے ذریعے آپریشن سندورکے عنوان سے کتاب شائع کردی ہے جسے 20 بھارتی تجزیہ کاروں اور کالم نگاروں سے منسوب کیا گیا ہے ، جنہیں راسے منسلک کیا گیا ۔

117صفحات پر مشتمل بے ترتیب و مضحکہ خیز کتاب کا مقصد بھارتی عوام اور عالمی برادری کو گمراہ کرکے جھوٹ کو پروان چڑھانا ہے۔ یہ کتاب بھارتی سٹرٹیجک سوچ کی کمزوری کو بے نقاب کرتی ہے جس میں کسی تحقیق یا حوالہ کا ذکر بھی موجود نہیں، جو کسی سنجیدہ کتاب کی بنیادی شرط ہے۔یہ کتاب محض فرضی الفاظ کو اکٹھا کر کے جھوٹ پر مبنی داستان پیش کرتی ہے۔

(جاری ہے)

کتاب میں پہلگام فالس فلیگ آپریشن میں ہلاکتوں کی تعداد میں بھی تضاد ہے۔ ساتھ ہی آپریشن سندور کے دورانیے کے حوالے سے بھی تضاد پایا جاتا ہے۔بھارت کی سیاسی، عسکری اور سفارتی غلطیوں کا کتاب میں سرسری ذکر کیا گیا ہے جب کہ آپریشن سندور کے دوران ہونے والے نقصانات پر کوئی سچا یا تفصیلی تجزیہ موجود ہی نہیں ہے۔کتاب میں امریکی صدر ڈونلڈ ٹرمپ کے خلاف بھی انتہائی نامناسب زبان استعمال کی گئی ۔ علاوہ ازیں کتاب میں اسرائیل کی کھل کر حمایت نہ کرنے کا شکوہ بھی کیا گیا ہے۔یہ تصنیف بھارتی فوج، حکومت اور انٹلیجنس اداروں کی ناکامیوں پر پردہ ڈالنے کی ایک ناکام کوشش ہے۔ یہ بات ایک تلخ حقیقت بن چکی ہے کہ بھارت میں آزادی اظہار اب محض ایک خواب بن چکا ہے۔