جے یو آئی امن و امان کی مخدوش صورتحال، لورالائی میں بیگناہ افراد کے قتل کی شدید مذمت کرتی ہے،ملک سکندرایڈووکیٹ

ہفتہ 12 جولائی 2025 22:48

کوئٹہ (اُردو پوائنٹ اخبارتازہ ترین - این این آئی۔ 12 جولائی2025ء) جمعیت علماء اسلام پاکستان کے مرکز ی ڈپٹی جنرل سیکرٹری سابق اپوزیشن لیڈر بلوچستان اسمبلی ملک سکندر خان ایڈوکیٹ نے اپنے جاری کردہ پریس ریلیز میں کہاکہ جمعیت علماء اسلام بلوچستان میں امن و امان کے مخدوش صورتحال، بالخصوص لورالائی میں بے گناہ افراد کے بہیمانہ قتل عام کی شدید الفاظ میں مذمت کرتی ہے۔

یہ واقعات اس بات کا واضح ثبوت ہیں کہ صوبے میں انتظامیہ اور قانون نافذ کرنے والے ادارے عوام کو تحفظ فراہم کرنے میں بری طرح ناکام ہو چکے ہیں انہوں نے کہا کہ جمعیت علماء اسلام کا مؤقف ہے کہ بلوچستان ایک عرصے سے بدامنی، ٹارگٹ کلنگ اور اغوا برائے تاوان جیسے سنگین جرائم کی لپیٹ میں ہے۔ لورالائی میں حالیہ بے گناہ افراد کا قتل عام اس سلسلے کی ایک کڑی ہے جس نے پورے صوبے میں خوف و ہراس کی فضا پھیلا دی ہے انہوں نے کہا کہ جمعیت علماء اسلام مطالبہ کرتی ہیں کہ ان واقعات میں ملوث عناصر کو فی الفور گرفتار کیا جائے اور انہیں قانون کے کٹہرے میں لا کر انصاف کے تقاضے پورے کیے جائیں انہوں نے کہا کہ جمعیت علماء اسلام حکومت سے پرزور مطالبہ کرتے ہیں کہ بلوچستان میں امن و امان کی صورتحال کو بہتر بنانے کے لیے فوری اور ٹھوس اقدامات کیے جائیں لورالائی سمیت صوبے بھر میں بے گناہ شہریوں کے قتل عام کی شفاف تحقیقات کروائی جائیں انہوں نے کہا کہ متاثرہ خاندانوں کو مکمل انصاف اور تحفظ فراہم کیا جائے صوبے میں دہشت گردی اور انتہا پسندی کے خاتمے کے لیے مؤثر حکمت عملی اپنائی جائے قانون نافذ کرنے والے اداروں کی کارکردگی کو بہتر بنا کر انہیں مزید فعال کیا جائے انہوں نے کہا کہ جمعیت علماء اسلام عوام کے جان و مال کے تحفظ کو اولین ترجیح دیتی ہے اور اس حوالے سے کسی بھی قسم کی غفلت کو برداشت نہیں کیا جائے گا۔

(جاری ہے)

ہم تمام متاثرین کے غم میں برابر کے شریک ہیں اور ان کے ساتھ مکمل یکجہتی کا اظہار کرتے ہیں۔