سپریم کورٹ: آئندہ ہفتہ کا روسٹر جاری، 4 بینچز کیسز پر سماعت کریں گے

ہفتہ 12 جولائی 2025 20:40

اسلام آباد (اُردو پوائنٹ اخبارتازہ ترین - اے پی پی۔ 12 جولائی2025ء) سپریم کورٹ میں مختلف کیسز کی سماعت کیلئے آئندہ ہفتہ کا ججز روسٹر جاری کر دیا گیا۔ عدالت عظمٰی میں مقدمات کی سماعت کیلئے 4 بینچز تشکیل دیے گئے ہیں۔ پرنسپل سیٹ پر اسلام آباد میں دو بینچز جبکہ دو بینچز کوئٹہ رجسٹری میں مقدمات کی سماعت کریں گے۔کاز لسٹ کے مطابق چیف جسٹس پاکستان جسٹس یحییٰ آفریدی آئندہ ہفتے کے دوران کوئٹہ میں مقدمات کی سماعت کریں گے۔

(جاری ہے)

کوئٹہ رجسڑی میں بینچ نمبر ایک چیف جسٹس یحییٰ خان آفریدی اور جسٹس شکیل احمد پر مشتمل ہے جب کہ بینچ دو جسٹس جمال خان مندوخیل اور جسٹس مسرت ہلالی پر مشتمل ہو گا۔ اسی طرح پرنسپل سیٹ اسلام آباد میں بھی مقدمات کی سماعت کیلئے دو بنچز تشکیل دیئے گئے ہیں۔ بنچ نمبر ایک جسٹس سید منصور علی شاہ، جسٹس منیب اختر اور جسٹس عائشہ اے ملک پر مشتمل ہو گا جبکہ بینچ دو جسٹس، جسٹس سردار طارق مسعود اور جسٹس مظہر عالم میاں خیل پر مشتمل ہو گا۔