13 جولائی 1931 کا واقعہ دین وایمان سے وابستگی اور نظریہ اللہ اکبر کی خاطر قربانی کی ناقابل فراموش مثال ہے،محمدمظہرسعیدشاہ

نیلم (اُردو پوائنٹ اخبارتازہ ترین - این این آئی۔ 13 جولائی2025ء)وزیر اطلاعات آزاد حکومت ریاست جموں وکشمیر پیر محمد مظہر سعید شاہ نے کہا ہے کہ 13 جولائی 1931 کا واقعہ دین وایمان سے وابستگی اور نظریہ اللہ اکبر کی خاطر قربانی کی ناقابل فراموش مثال ہے، 13 جولائی 1931 کا دن قربانی،غیرت، حریت اور جذبہ ایمانی کی عظیم تاریخ یاد دلاتا ہے،اسلام پر کٹ مرنے کے جذبہ نے مظالم کے ایوانوں کو ہلاکر رکھ دیا تھا، یہ واقعہ کشمیریوں کی نہ صرف دین سے وابستگی کی علامت بلکہ جذبہ حریت کا منہ بولتا ثبوت ہے،کشمیریوں کی استقامت اور شہداء کی لہو کی برکت سے مسئلہ کشمیر نے عالمی رائے عامہ کو اپنی طرف متوجہ کرلیا ہے،میں نے اپنے محدود فنڈ سے 13تعلیمی اداروں کو چھت فراہم کی ہیں،وزیراعظم چوہدری انورالحق نیلم کادکھ سمجھتے ہیں اور مسائل کے حل پر توجہ بھی دیتے ہیں، نیلم کی تعمیر و ترقی انکی ترجیحات میں شامل ہے۔

(جاری ہے)

ان خیالات کا اظہار انہوں نے قائداعظم انٹرنیشنل سکول آف لرننگ دنجر کی سالانہ تقریب تقسیم انعامات میں بطور مہمان خطاب کے موقع پر کیا۔دنجر پہنچنے پر سکول انتظامیہ،شہریوں اور طلباء نے پرتپاک استقبال کیا۔پھولوں کی پتیاں نچھاور کیں مالے ڈال کر خوش آمدید کیاگیا۔ سکاوٹ کے چاق چوبند دستے مہمان خصوصی کو سلامی پیش کی اور قومی و ریاستی ترانے اورنغمے پیش کیے گئے۔

تقریب میں ڈسٹرکٹ کونسلر راجہ افتخار،صدر پرائیویٹ سکولز ایسوسی ایشن آفتاب تبسم، سیاسی وسماجی راہنما شکور بانڈے،مفتی اشفاق،راجہ زاکر،فہد منظور شاہ،جماعت اسلامی ساجد افغانی،حاجی مشتاق، لوکل کونسلر شفاعت حسین،مدثر خان،سوشل میڈیا ایکٹیوسٹ مرتضی ماگرے،ظہور پیرزادہ،رانا۔شاہد صدیقی،نذیر بٹ، ایم ڈی ادارہ راجہ وقار،راجہ دلنواز، مفتی عبیدالرحمن، راجہ وقاص ودیگر نے شرکت کی۔

وزیر اطلاعات نے کہا کہ 13 جولائی 1931کی22 شہدائے سمیت عالم اسلام کے شہداء کوخراج عقیست پیش کرتے ہیں۔ انہوں نیکہا کہ پاکستان کشمیریوں کی منزل ہے، پاکستان کو اللہ تعالی نے خاص مقصد کے لیے قائم کیا، پاکستان کا دنیا میں بے مثال کردار ہے، تحریک آزادی کشمیر کی کامیابی کیلئے پاکستان کا مضبوط اور مستحکم ہونا ضروری ہی- انہوں نے کہا کہ شہدائے جموں وکشمیر نے جس عظیم مقصد کے لیے قربانیاں دیں ان کے حصول تک کشمیریوں کی جدوجہد جاری رہیگی۔

انہوں نیکہا کہ 13جولائی 1931 کو مقبوضہ کشمیر میں22مسلمان اذان مکمل کرنے کے لیے شہید ہوئے۔جب تک مقبوضہ کشمیر مکمل آزاد نہیں ہوتا تب تک ہم ان شہداء کے نقش قدم پرچلیں گے۔آزاد جموں و کشمیر قانون سازاسمبلی نے باقائدہ قرآن کے معلمین کے سکیل 7کی منظوری دی ہے جلد مالیات سے بھی منظوری ہوجائے گی۔ انہوں نیکہا کہ جنگلات کے تحفظ کے لیے تمام وسائل بروے کار لائیں گے ۔