دولاکھ کی لین دین کے حوالے سے وزارت خزانہ تاجر برادری کے خدشات دور کرے ،ڈاکٹر خالد مقبول صدیقی

پیر 14 جولائی 2025 19:48

کراچی (اُردو پوائنٹ اخبارتازہ ترین - این این آئی۔ 14 جولائی2025ء)متحدہ قومی موومنٹ پاکستان کے چیئرمین ووفاقی وزیر برائے تعلیم ڈاکٹر خالد مقبول صدیقی کی حیدراباد آمد اور حیدر آباد کیمقامی ہوٹل میں چیمر آف کامرس حیدر آباد ،چیمر آف جامشورو، حیدراباد اسمال چیمبر اف کامرس، حیدر آباد سائٹ ایسوسی ایشن و کوٹری سائٹ ایسوسی ایشن۔نوری آبادسائٹ ایسوسی ایشن اور انڈسٹریز ودیگر تاجر نمائندوں سے ملاقات اور تبادلہ خیال کیا گیا۔

اس موقع پر ڈاکٹر خالد مقبول صدیقی نے گفتگو کرتے ہوئے کہاکہ فنانس بل کے متنازعہ قانون 37/Aاور Bکے تحت تاجروں کی گرفتاری کی پالیسی قابل مذمت ہے جبکہ دولاکھ کی لین دین کے حوالے سے وزارت خزانہ تاجر برادری کیخدشات دور کرنی چاہئے تاجر برادری کسی بھی ملک کی معشیت کا پہیہ ہوتی ہے اور اس کا خیال رکھنا ریاست کی زمہ داری ہے۔

(جاری ہے)

انہوں نے کہاکہ جو شہر جی ڈی پی کا سو فیصد ادا کرتے ہیں انہیں ایک فیصد بھی واپس نہیں ملتا ہم سب کو اس نا انصافی کیخلاف آواز بلند کرنی ہے۔

انہوں نے کہاکہ ایم کیو ایم نے اٹھارویں ترمیم کاساتھ آئین کے آرٹیکل 140/Aکے لئے دیا تھالیکن آرٹیکل پر عمل درآمد نہ ہونا ہمارے ملک میں کمزور قانون کی عکاسی ہے،سندھ کے شہری علاقوں کے لئے ایک الگ سیکرٹریٹ کا قیام بہت ضروری ہے تاکہ سندھ کا کچھ علاقہ بھی ترقی کرسکیں۔ انہوں نے کہاکہ ایم کیو ایم تاجر برادری اور اربن سندھ کا مقدمہ لڑ رہی ہے مگر بدقسمتی سے سندھ پر قابض حکمران اور نوکر شاہی قانون سے بالاطاق ہیں اور ترقی قانون کی بالادستی پر مبنی ہوتی ہے۔

اس موقع پر سندھ تنظیمیں کمیٹی کے انچار سلیم رزاق حیدراباد ڈسٹرکٹ انچارج ظفر احمد صدیقی، حق پرست ارکان قومی و صوبائی اسمبلی سید وسیم حسین ،پروفیسر عبدالعلیم خانزادہ ،انجینئر صابر حسین قائم خانی ،ناصر حسین قریشی بھی موجود تھے جبکہ تاجر برادری کے رہنماوں میں ندیم صدیقی،ملک اقبال،عدیل صدیقی،خلیل بلوچ،ضیاالرین،محمد شاہد،اقبال بیگ،ادریس چوہان،فاروق شیخانی ،زبیر گھنگرا ،حاجی ہارون ،سلیم وہراہ سمیت دیگر شخصیات شامل تھی۔