خیبر پختونخوا، پنجاب، کشمیر، گلگت بلتستان ، اسلام آباد اور شمال مشر قی و جنوبی بلو چستان، جنوب مشرقی و بالائی سندھ میں اکثر مقامات پربارش کی توقع

اسلام آباد (اُردو پوائنٹ اخبارتازہ ترین - اے پی پی۔ 14 جولائی2025ء) آئندہ 24 گھنٹوں کے دوران خیبر پختونخوا، پنجاب، کشمیر، گلگت بلتستان ، اسلام آباد اور شمال مشر قی/جنوبی بلو چستان، جنوب مشرقی/بالائی سندھ میں اکثر مقامات پر تیز ہوائوں/آندھی اور گرج چمک کے ساتھ بارش کی توقع ہے ۔ اس دوران اسلام آباد، خیبر پختونخوا، کشمیر ، پنجاب اورشمال مشرقی بلو چستان میں کہیں کہیں پر شدید /موسلادھار بارش متوقع ہے۔

محکمہ موسمیات کے مطابق گذشتہ 24 گھنٹوں کے دوران بالائی/وسطی پنجاب، خیبر پختو نحوا، کشمیر، جنو ب /مشرقی بلوچستان ، گلگت بلتستان اور زیریں سندھ میں تیزہوائوں اور گرج چمک کے ساتھ بارش ہوئی۔ ملک کے دیگر علاقوں میں موسم گرم اور مرطوب رہا۔ سب سے زیادہ بارش پنجاب: اوکاڑہ 158، ساہیوال 71، ڈی جی خان سٹی 51، بہاولنگر 39، کوٹ ادو 33، نور پور تھل 27، کروڑ (لیہ) 23، قصور 25،لا ہور(سٹی 19، ایئر پو رٹ 09)، وا سا سٹیشن( نشتر ٹائون (ڈائریکٹر آفس) 40، پانی والا تالاب 32، لکشمی چوک 28، فرخ آباد 27، اقبال ٹائون ایس ڈی او آفس 25، جیل روڈ 24، چوک نکھدا 22، مغلپورہ ایس ڈی او آفس 21، ہیڈ آفس واسا گلبرگ 20، قرطبہ چوک 19، گلشن راوی 17، تاجپورہ ایس ڈی او آفس 17، اپر مال 12، جوہر ٹائون ایس ڈی او آفس 11، سمن آباد ایس ڈی او آفس 11)، مری 32، خان پور 13، بھکر 09، راولپنڈی (چکلالہ 14، پیرویداہی 16، کچہری 12، شمس آباد 01) ، شیخوپورہ 08، فیصل آباد 06، جھنگ 06،گو جرا نوالا 05، حا فظ آباد04، اٹک ، ٹی ٹی سنگھ ، سیالکوٹ ایئرپورٹ 02، نارووال 01، اسلام آباد ( سید پور 32، بوکرا 28، گو لڑہ 12، ائیرپورٹ 07، زیرو پوائنٹ 05)، خیبرپختونخوا: سیدو شریف 28، میر خانی 19، کالام 17، مالم جبہ 15، تخت بائی 13، دیر (لوئر اور اپر 12)، ڈی آئی خان (سٹی 08 اور ایئرپورٹ 06)، پشاور (سٹی 01)، دروش 06، کاکول، پٹن05، چراٹ 04، بالاکوٹ 03، بنوں 01، کشمیر: مظفرآباد (ایئرپورٹ 03 اور سٹی 02)، بلوچستان: بار خان 13، ژوب 09، سبی 05، گلگت بلتستان: استور میں11، سندھ: حیدر آباد (سٹی53، ائر پورٹ 50)، جیکب آباد 02 ملی میٹر بارش ریکارڈ کی گئی۔

(جاری ہے)

پیر کو ریکارڈ کئے گئے زیادہ سےزیادہ درجہ حرارت : تربت 44، شہید بینظیر آباد، حیدرآباد میں 41ڈگری سینٹی گریڈ ریکارڈ کیا گیا۔محکمہ موسمیات نے کہا ہے کہ 15 جولائی سے17جولائی کے دوران موسلا دھار/شدیدموسلادھار بارش کے باعث چترال، دیر، سوات، شانگلہ، مانسہرہ، مری، گلیات، کوہستان،ایبٹ آباد، بونیر، صوابی، نوشہرہ، مردان، اسلام آباد/راولپنڈی، ڈی جی خان، شمال مشرقی/با لا ئی پنجاب، شمال مشرقی بلو چستان اورکشمیر کے مقامی /بر ساتی ندی نالوں میں طغیانی کا خطرہ ہے، شدید بارشوں کے باعث خیبرپختونخوا، مری، گلیات، کشمیر اور گلگت بلتستان میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ ہے۔

شدید بارشوں کے باعث اسلام آباد/راولپنڈی، گوجرانوالہ، لاہور، سیالکوٹ، سرگودھا، فیصل آباد، ملتان، خا نیوال، سا ہیوال، لو دھراں، مظفر گڑھ، کو ٹ ادو، تو نسہ، را جن پور،بہاولپور، نوشہرہ اور پشاور کے نشیبی علا قے زیر آب آنے کا اندیشہ ہے۔ عوام الناس کو احتیاط کی ہدایت کی ہے،آندھی کے باعث کمزور انفرا سٹرکچر ( بجلی کے کھمبے، درخت ، گاڑیوں، سولر پینل وغیرہ)، کھڑی فصلوں کو نقصان کا اندیشہ ہے۔ عوام الناس کو احتیاط کی ہدایت کی گئی ہے ۔