دبئی میں گرمی کا بہترین حل: ایمریٹس کی صارفین کو سفر کی پیشکش

کراچی(اُردو پوائنٹ اخبارتازہ ترین - آن لائن۔ 17 جولائی2025ء)جیسے جیسے موسمِ گرما کی شدت بڑھ رہی ہے، ایمریٹس ایئرلائن نے مسافروں کو دعوت دی ہے کہ وہ اپنے سفر کے منصوبے نئے انداز سے بنائیں، اور دبئی کو اپنا اسٹاپ اوور یا سفری مقام بنائیں ، یہ ایک ایسا شہر ہے جو ہر موسم میں آرام، منفرد اور عالمی معیار کی سہولیات کے لیے جانا جاتا ہے۔ایمریٹس کے مسافروں کے لیے دبئی میں خصوصی رعایتیں، اور ایئرلائن کے عالمی نیٹ ورک کی بدولت آسان روابط، اس شہر کو نہ صرف گرمیوں میں سفر کے لئے بہترین مقام بناتے ہیں بلکہ یہ طویل سفر پر نکلنے والوں کے لیے بہترین اسٹاپ اوور بھی ہوتا ہے۔

دبئی دنیا کے ان چند شہروں میں شامل ہے جو سال بھر میں سیاحت کے لیے خاص طور پر ڈیزائن کیا گیا ہے۔

(جاری ہے)

یہاں ہر طرف ایئر کنڈیشننگ، درجہ حرارت سے کنٹرول شدہ سوئمنگ پولز، اور بے شمار انڈور تفریحی مقامات موجود ہیں۔ جس کا مطلب ہے کہ موسم گرما کی شدت میں بھی آپ آرام سے شہر کی سیر کر سکتے ہیں، لطف اندوز ہو سکتے ہیں اور باسہولت انداز سے وقت گزار سکتے ہیں۔

ایمریٹس کے مسافر ''دبئی ایکسپیرینس'' کے خصوصی پلیٹ فارم کے ذریعے اپنا پورا سفر ایک جگہ پر پلان کر سکتے ہیں جس میں پروازیں، ہوٹلز، تفریحی مقامات، دلچسپ سرگرمیاں اور ٹرانسپورٹ سب کچھ شامل ہیں۔ایمریٹس کی ہر کیبن میں سفر کو آرام دہ اور خوشگوار بنانے کے لیے اعلیٰ معیار کی سہولیات موجود ہیں۔ ہر کیبن کے مسافر وںکے لئے مقامی ذائقوں پر مبنی کھانے، مفت مشروبات، اور ایوارڈ یافتہ ان فلائٹ انٹرٹینمنٹ سسٹم ''آئس'' تک رسائی دی جاتی ہے، جس میں موجود 6,500 سے زائد چینلز پر فلمیں، موسیقی، ڈرامے اور دیگر تفریحی مواد دستیاب ہے۔

دبئی انٹرنیشنل ایئرپورٹ پہنچنے پر، ایمریٹس کے مسافروں کو تیز رفتار رابطوں اور شہر کے جدید اور ائرکنڈیشنڈ ٹرانسپورٹ سسٹم تک براہِ راست رسائی حاصل ہوتی ہے، جو ان کے گراؤنڈ کے سفر کو بھی آسان اور پرسکون بناتا ہے۔ایمریٹس ایئرلائن دبئی کو دنیا کے چھ براعظموں کے 140 سے زائد شہروں سے جوڑتی ہے، جس میں یورپ، ایشیا، مشرق وسطیٰ، امریکا اور افریقہ شامل ہیں۔

ایئرلائن کی بیشتر پروازیں اور مختلف کیبن آپشنز کی بدولت مسافر اپنی سہولت کے مطابق سفر کا انتخاب کر سکتے ہیں، چاہے وہ چھٹیاں منانے جا رہے ہوں، کاروباری سفر کر رہے ہوں یا کسی اور ملک جا رہے ہوں اور دبئی ان کا اسٹاپ اوور ہو۔ایمریٹس اور پاکستان کے درمیان گہرے تعلقات قائم ہیں۔ ایئرلائن کی پہلی پرواز 25 اکتوبر 1985 کو دبئی سے کراچی پہنچی تھی۔ آج بھی ایمریٹس پاکستان کے پانچ شہروں بشمول کراچی، سیالکوٹ، پشاور، لاہور اور اسلام آباد سے اپنی پروازیں چلا رہا ہے، اور ان تمام شہروں کو اپنے نیٹ ورک کا اہم حصہ سمجھتا ہے۔اس حوالے سے مزید جاننے یا سفر کی بکنگ کے لئے ایمریٹس کی ویب سائٹ وزٹ کریں۔