Live Updates

اب گنجائش نہیں رہی، تین سال میں حکومت نے لوگوں کے ہاتھ سے روٹی چھین لی. مفتاح اسماعیل

چینی کے مل مالکان پر جب بھی مصیبت پڑی حکومت سے ان کی پریشانی دیکھی نہ گئی،فوری مددکےلئے پہنچی اب لوگ امپورٹڈ اشیا تو دور کی بات، بنیادی ضروریات بھی پوری نہیں کر پا رہے، ایف بی آر کا رویہ کاروباری طبقے کو ڈرانے والا ہے . سابق وزیرخزانہ کی گفتگو

میاں محمد ندیم جمعہ 18 جولائی 2025 14:37

اب گنجائش نہیں رہی، تین سال میں حکومت نے لوگوں کے ہاتھ سے روٹی چھین ..

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔18 جولائی ۔2025 )سابق وزیر خزانہ و سیکرٹری جنرل عوام پاکستان پارٹی مفتاح اسماعیل نے کہا ہے کہ گزشتہ تین برس میں حکومت نے ٹیکسوں اور مہنگائی سے عوام کی زندگی مزید مشکل بنا دی ہے،اب گنجائش نہیں رہی، تین سال میں حکومت نے لوگوں کے ہاتھ سے روٹی چھین لی،چینی کے مل مالکان پر جب بھی مصیبت پڑی حکومت جائیگی اور ان کی پریشانی دیکھی نہ گئی.

ایک انٹرویو میں مفتاح اسماعیل نے کہا کہ چینی مل مالکان اور روڈ کنٹریکٹرز کی حالت تو بہتر ہوئی ہے، جس کا مطلب ہے کہ حکومت کی کارکردگی صرف بااثر طبقے کے لیے اچھی رہی ہے.

(جاری ہے)

ان کا کہنا تھا کہ ٹیکسوں کی بھرمار نے عام شہری کی قوت خرید ختم کر دی ہے، اب لوگ امپورٹڈ اشیا تو دور کی بات، بنیادی ضروریات بھی پوری نہیں کر پا رہے انہوں نے کہا نے کہا کہ ایف بی آر کا رویہ کاروباری طبقے کو ڈرانے والا ہے اور اب تو ادارے کو گرفتاری کا اختیار بھی دے دیا گیا ہے دیہی علاقوں میں لین دین رجسٹرڈ نہیں ہوتا، اس لیے حکومت کو دو لاکھ روپے پر عائد 20 فیصد ٹیکس واپس لینا پڑے گا.

مفتاح اسماعیل نے کہا کہ بڑے کاروباری افراد اپنے بچوں کو بیرون ملک بھیج رہے ہیں کیونکہ ملک میں معاشی ترقی نہ ہونے کے باعث مواقع کم ہو چکے ہیں انہوں نے کہا کہ جب بھی چینی کے صنعت کاروں پر کوئی مشکل آئی، حکومت فورا ان کی مدد کو پہنچی، گویا عوام کی تکلیف نظرانداز کر دی گئی انہوں نے کہا کہ اب نہ صرف سندھ اور کراچی بلکہ پنجاب کی حقیقت بھی سب کے سامنے آ گئی ہے.