غزہ، اسرائیل کی وحشیانہ کارروائیوں میں مزید 41 فلسطینی شہید

ہفتہ 19 جولائی 2025 20:46

غزہ (اُردو پوائنٹ اخبارتازہ ترین - این این آئی۔ 19 جولائی2025ء)غزہ میں اسرائیلی فوج کی بمباری سے مزید 41 فلسطینی شہید ہوگئے۔غزہ میں اسرائیلی فوج کی وحشیانہ کارروائیوں کا سلسلہ جاری ہے جس دوران مزید 41 فلسطینیوں کی شہادت کی تصدیق ہوئی ہے۔

(جاری ہے)

دوسری جانب امریکی میڈیا کا بتانا ہے کہ امریکا، قطر اور مصر نے غزہ میں جنگ بندی کی نئی تجاویز پیش کی ہیں جبکہ قطر میں اسرائیل اور حماس کے درمیان مذاکرات میں پیش رفت نہیں ہوسکی ہے۔

حماس کے ترجمان کا کہنا تھا کہ اسرائیل کے ساتھ طویل جنگ کے لیے تیار ہیں، غزہ میں جنگ بندی معاہدیکے تحت تمام یرغمالیوں کی رہائی کی پیشکش کرتے ہیں۔انہوں نے مزید کہا کہ موجودہ جنگ بندی مذاکرات میں معاہدہ نہ ہونیکی صورت میں مستقبل میں عبوری جنگ بندی پر رضامند نہیں ہوں گے۔