تبت میں چین کے میگا ڈیم کا سنگ بنیاد رکھنے پر بھارت میں کھلبلی مچ گئی

چینی وزیر اعظم نے یرلنگ سنپو ڈیم کا سنگ بنیاد رکھ دیا ،1سو 67 ارب ڈالر لاگت آئیگی

اتوار 20 جولائی 2025 22:00

تبت(اُردو پوائنٹ اخبارتازہ ترین - این این آئی۔ 20 جولائی2025ء)تبت میں چین کے میگا ڈیم کا سنگ بنیاد رکھنے پر بھارت میں کھلبلی مچ گئی ۔چینی وزیر اعظم لی چیانگ نے یرلنگ سنپو ڈیم کا سنگ بنیاد رکھ دیا ہے۔تبت میں زیرِ تعمیر ڈیم پر 1 سو 67 ارب ڈالر لاگت آئے گی۔تبت میں زیر تعمیر ڈیم 3سو ارب کلو واٹ آور سالانہ بجلی پیدا کرے گا۔

(جاری ہے)

دریائے یرلنگ سنپور پر قائم یہ دنیا کی سب سے بڑی ہائیڈرو الیکٹرک تنصیب ہو گی۔

ڈاؤن اسٹریم میں تبت سے سے پانی دریائے برہم پترا میں تبدل ہو کر بھارت اور بنگلا دیش جاتا ہے۔ بھارت اور بنگلا دیش میں آبادی کو پانی کی قلت اور ماحولیاتی اثرات کے خدشات ہیں۔غیر ملکی خبر ایجنسی کے مطابق بھارت کو خدشہ ہے کہ چین تبت میں زیرِ تعمیر ڈیم کا پانی بطور ہتھیار استعمال کرے گا۔