مستونگ میں میجر اور دوسپاہیوں کے ٹارگٹ کلنگ میں شہادت پر قابل مذمت ہے، سردار یعقوب خان ناصر

جمعرات 24 جولائی 2025 22:50

لورالائی(اُردو پوائنٹ اخبارتازہ ترین - این این آئی۔ 24 جولائی2025ء)مسلم لیگ ( ن) کے مرکزی نائب صدر رکن قومی اسمبلی سردار محمد یعقوب خان ناصر نے کہا ہے کہ مستونگ میں میجر اور دوسپاہیوں کے ٹارگٹ کلنگ میں شہادت پر گہرے دکھ کا اظہار کرتے ہوئے کہا کہ ملک و صوبے میں ملک دشمن عناصر پر زمین تنگ کر دینگے بھارت کے اشارے پر فتنہ الہندودستان کیدہشت گردوں کے ہاتھوں بے گناہ پاک فوج کے آفیسران اور دیگر شہریوں کے قتل کا لائسنس کسی صورت کسی کو نہیں دے سکتے اپنی ریاست قائم کرنے اور نجی فورس رکھنے کی کسی جماعت اور گروہ کو اجازت نہیں ہے یہ حق صرف ریاست کو حاصل ہے انہوں نے کہا کہ حقوق کی بات ٹھیک اور آئینی و قانونی حق ہے لیکن تشدد کا حق کسی صورت ریاست کسی کو نہیں دے سکتی انہوں نے گزشتہ شب ژوب کے علاقے ڈب سرڈاکہ میں پنجاب کے نو مسافروں کو شہید کرنے کی پرزور مذمت کرتے ہوئے اسے کھلی دہشتگردی قرار دیا انہوں نے کہا کہ یہ واقعہ دہشت گردی ہے اور بلوچستان کے پرامن حالات کو خراب کرنے کی سازش قرار دیا انہوں نے کہا کہ حکومت بلوچستان اور قانون نافذ کرنے والے ادارے فوری ایکشن لیں اور تمام لوگوں کی جان و مال کے تحفظ کو یقینی بنائیں۔

(جاری ہے)

انہوں نے کہا کہ بھارت کے پراکسی وار کے سامنے کھبی نہیں جھکیں گے بلکہ اسکا مردانہ وار اور جرات کے ساتھ مقابلہ کرینگے واقعہ میں ملوث نہ انسان نہ بلوچ ہیں اور نہ ہی پاکستانی بلکہ یہ کرایہ دار اور بھارتی ایجنٹ ہیں انکے ساتھ سختی کے ساتھ حکومت کو نمٹنا ہے انہوں نے شہید کے متاثرہ خاندانوں سے اظہار تعزیت کرتے ہوئے کہا کہ دہشتگردوں کو انجام تک پہنچانا ریاست کی اولین ذمہ داری ہے۔