خاتون مسافر پی آئی اے عملے کی بڑی غفلت سامنے لے آئی

عملہ 13 دن تک جہاز کے ایئر وینٹیلیشن سسٹم میں موبائل فون ساتھ لیے پرواز کرتا رہا، جہاز میں موجود موبائل کی بیٹری گرمی سے پھٹ جانے سے 300 جانیں ضائع ہوجانے کا خدشہ تھا؛ خاتون مسافر کا بیان

ساجد علی اتوار 27 جولائی 2025 20:30

لاہور ( اُردو پوائنٹ اخبارتازہ ترین۔ 27 جولائی 2025ء ) قومی فضائی کمپنی پر ھال ہی میں سفر کرنے والی خاتون مسافر پی آئی اے عملے کی بڑی غفلت سامنے لے آئی۔ تفصیلات کے مطابق پاکستان انٹرنیشنل ایئرلائنز کے عملے کی بڑی غفلت سامنے آئی ہے جس کے بارے میں خاتون مسافر نے بتایا کہ پی آئی اے کے بوئنگ 777 طیارے کے ایئر وینٹیلیشن سسٹم میں میرا موبائل فون گر گیا، موبائل فون 6 جولائی کو جدہ سے اسلام آباد آتے ہوئے ہاتھ سے گر کر سیٹ کے نیچے کھلے ہوئے ایئر وینٹیلیشن سسٹم میں گرا تھا لیکن پی آئی اے کا انجینئرنگ عملہ 13 دن تک موبائل فون کو جہاز کے ایئر وینٹیلیشن سسٹم سے باہر نہ نکال سکا۔

خاتون مسافر نے انکشاف کیا ہے کہ جہاز موبائل کے ساتھ ہی 13 دن فضا میں مسافروں کو لے کر سفر کرتا رہا اس دوران جہاز میں موجود موبائل کی بیٹری گرمی سے پھٹ جانے سے 300 جانیں ضائع ہوجانے کا خدشہ تھا، پی آئی اے کا عملہ کئی روز تک موبائل فون کی جہاز کے ایئر وینٹیلیشن سسٹم میں موجودگی سے ہی انکاری رہا، پی آئی اے کی انتظامیہ نے واقعے کا علم ہونے کے باوجود جہاز کو گراونڈ کرکے وقت پر موبائل ایئر وینٹیلیشن سسٹم سے باہر نہیں نکالا، موبائل کی گمشدگی کے بعد سے مسلسل فون کو لوکیشن کے ذریعے جہاز کے ساتھ سفر کرتا ہوا دیکھ رہی تھی۔

(جاری ہے)

اس معاملے پر اپنا مؤقف دیتے ہوئے ترجمان پی آئی اے عبداللہ خان نے بتایا کہ پی آئی اے عملے نے جہاز کا فرش کھول کر موبائل 19 جولائی کو مسافر کے حوالے کیا تھا، اس سلسلے میں پی آئی اے انتظامیہ مسلسل خاتون مسافر کے ساتھ رابطے میں تھی لیکن جہاز کا فرش شیڈولڈ پروازوں کی وجہ فوری طور پر کھول کر موبائل فون نہیں نکالا جاسکتا تھا۔

Facebook Twitter Google + Share on Whatsapp

خاتون مسافر پی آئی اے عملے کی بڑی غفلت سامنے لے آئی

متعلقہ عنوان :

مزید اہم خبریں