ہٹیاں بالا پل بازار پر ٹھیک 10 بجے سائرن بجا کر ایک منٹ کی خاموشی اختیار کی گئی

جہلم ویلی(اُردو پوائنٹ اخبارتازہ ترین - این این آئی۔ 05 اگست2025ء) 5 اگست 2025 آزادکشمیر بھر کی طرح ضلع جہلم ویلی میں بھی یوم استحصال کشمیر بھر پور انداز میں منایاگیا، ہٹیاں بالا پل بازار پر ٹھیک 10 بجے سائرن بجا کر ایک منٹ کی خاموشی اختیار کی گئی،ریلی پل بازار سے پریس کلب تک نکالی گئی، ریلی کی قیادت ڈپٹی کمشنر محترمہ بینش جرال اور ایس پی جہلم ویلی نے کی،ریلی میں ہر مکتبہ فکر کے لوگوں نے شرکت کی یوم استحصال کے موقع پر ریلی میں سیول سوسائٹی، سیاسی وسماجی شخصیات، بلدیاتی نمائندہ گان، ضلعی انتظامیہ، انجمن تاجران، وکلا الیکٹرانک و پرنٹ میڈیا کے نمائندہ گان مختلف سکولوں کے بچوں نے شرکت کی، اس دوران مکمل شٹرڈاون رہا اور تمام بازار میں سیاہ پرچم آویزاں تھی, لوگوں نے ہاتھوں میں سیاہ جھنڈے اور بینرز اٹھا رکھے تھے،ریلی میں ہندوستان کے خلاف شدید نعرہ بازی کی گئی، اس موقع پر مقررین نے ریلی سے خطاب کرتے ہوئے کہا کہ پانچ اگست کشمیرکی تاریخ کا ایک سیاہ ترین دن ہے جو کہ گزشتہ چھ برس بھارت نے کشمیریوں کو محصور کر کے ان کے حق پر ڈاکہ ڈالتے ہوئے مقبوضہ کشمیر کی خصوصی حیثیت کا خاتمہ کر دیا, انہوں نے کہا ہم بھارت کی جانب سے پانچ اگست 2019کو آرٹیکل 370 اور A 35 کی تنسیخ قرارداوں کی سنگین خلاف ورزی قرار دیتے ہیں یہ اقدام کشمیری عوام کے تشخص اور آ ئینی حقوق پر حملہ ہے ہم افواج پاکستان کو بنیان مرصوص کی شاندار کامیابی اور مادر وطن کے دفاع پر مبارک باد دیتے ہیں اور انہیں بھر پور خراج تحسین پیش کرتے ہیں ہم یہ اعلان کرتے ہیں کہ پوری قوم اپنی افواج کے ساتھ ہے کشمیری عوام کے حمایت میں افواج پاکستان کے موقف کی بھر پور تائید کرتے ہیں وطن کے دفاع میں ہم سب صف اول کے سپاہی ہیں، ہم حکومت پاکستان سے مطالبہ کرتے ہیں کہ پانچ اگست کو ہر سال یوم استحصال کشمیر کے طور پر قومی سطح پر منایا جائے تاکہ نئی نسل کو کشمیر کی قربانیوں سے روشناس کروایا جا سکی, ہم عالمی برادری اور اقوام متحدہ او ائی سی اور انسانی حقوق کی تنظیموں سے مطالبہ کرتے ہیں کہ کشمیری عوام کو حق خودارادیت دلوانے کے لیے فوری عملی اقدامات اٹھائے جاہیں ہندوستان پر دباؤ ڈال کر مقبوضہ کشمیر سے فوجی محاصرہ ختم کروایا جائے، میڈیا بلیک آؤٹ,انسانی حقوق کی خلاف ورزیاں, ماورائے عدالت، گرفتاریاں بند کی جائیں۔

(جاری ہے)

تحریک آزادی کشمیر کی کامیابی کیلئے ہر فرد کو اپنا کردار ادا کرنا ہوگا۔ کشمیریوں کی قربانیاں ناقابل فراموش ہیں، بھارتی غیر قانونی اور غیر انسانی اقدام کے خلاف سخت مزمت کرتے ہیں، بھارت بدترین مظالم ڈھا کر انہیں خاموش کروانا چاہتا ہے جب تک کشمیریوں کو ان کی منزل نہیں مل جاتی ہم ان کی حمایت جاری رکھیں گے اور ہر فورم پر ان کا مقدمہ لڑیں گے کشمیریوں کا ہر قدم آزادی کی منازل طے کرتا جا رہا ہے،انہوں نے کہاکہ کشمیری ما?ں، بہنوں اور بھائیوں کی قربانیاں ضرور رنگ لائیں گی، کشمیریوں کی منزل پاکستان ہے اور وہ پاکستان کی خاطر قربانیاں دے رہے ہیں انہوں نے کہاکہ قائد اعظم نے کشمیر کو پاکستان کی شہ رگ قرار دیا تھا, آخر میں ایک قرارد پیش کی گئی اور کشمیر کی آزادی کے لیے خصوصی دعائیں مانگی گئیں-