نادرا نے جانشینی سرٹیفکیٹ کا حصول مزید آسان بنا دیا

قانونی ورثا کی بائیومیٹرک تصدیق کی سہولت مزید بہتر بنا دی گئی ،کارروائی کسی بھی مقررہ قریبی مرکز میں جا کر مکمل کی جا سکے گی

جمعرات 7 اگست 2025 04:55

اسلام آباد (اُردو پوائنٹ اخبارتازہ ترین - این این آئی۔ 07 اگست2025ء) نیشنل ڈیٹابیس اینڈ رجسٹریشن اتھارٹی نے شہریوں کے لیے جانشینی سرٹیفکیٹ کا حصول مزید آسان بنا دیا۔

(جاری ہے)

نادرا کی طرف سے جاری نوٹیفکیشن کے مطابق اب وراثتی جائیداد پاکستان کے کسی بھی صوبے میں ہو، قانونی ورثا اس کا جانشینی سرٹیفکیٹ حاصل کرنے کی درخواست اسلام آباد سمیت ملک کے چاروں صوبوں (پنجاب، سندھ، بلوچستان اور خیبرپختونخوا) اور گلگت بلتستان میں نادرا دفاتر اور دیگر مقامات پر قائم 186جانشینی سہولت مراکز یا سکسیشن فیسلیٹیشن یونٹس پر جمع کرا سکتے ہیں۔

اسی طرح قانونی ورثا کی بائیومیٹرک تصدیق کی سہولت بھی مزید بہتر بنا دی گئی ہے اور اب یہ کارروائی کسی بھی مقررہ قریبی مرکز میں جا کر مکمل کی جا سکتی ہے یا قانونی ورثا اس مقصد کے لیے نادرا کی پاک آئی ڈی موبائل ایپ بھی استعمال کر سکتے ہیں۔