بگ باس 19،سلمان خان کا ایک معاوضہ بھارتی وزیراعظم کی 12تنخواہوں پر بھی بھاری

سلمان خان بگ باس 19کے ایک ویک اینڈ ایپی سوڈ کیلئے 8سے 10کروڑ بھارتی روپے وصول کریں گے،بھارتی میڈیا

ہفتہ 9 اگست 2025 21:55

ممبئی(اُردو پوائنٹ اخبارتازہ ترین - این این آئی۔ 09 اگست2025ء)بالی ووڈ سپر اسٹار سلمان خان کے ریئلٹی شو بگ باس 19کی میزبانی کے حوالے سے حیران کر دینے والی معلومات سامنے آئی ہیں۔بھارت سمیت کئی ممالک میں مشہور و معروف ریئلٹی شو بگ باس کا سیزن 19 اس ماہ سے نشر ہوگا جس کی میزبانی سلمان خان کریں گے۔بھارتی میڈیا میں سلمان خان کی ریئلٹی شو بگ باس 19میں میزبانی کرنے کے معاوضے سے متعلق کچھ دعوے سامنے آئے ہیں۔

(جاری ہے)

بھارتی میڈیا کے مطابق ریئلٹی شو بگ باس 19کے میزبان سلمان خان کے 3 ماہ کے معاوضے سے متعلق بتایا جارہا ہے کہ یہ بھارتی وزیراعظم کی ایک سال کی تنخواہ سے بھی کئی گنا زیادہ ہے۔بھارتی میڈیا کے مطابق سلمان خان بگ باس 19کے ایک ویک اینڈ ایپی سوڈ کیلئے 8سے 10کروڑ بھارتی روپے وصول کریں گے۔بھارتی میڈیا کی رپورٹ کے مطابق بھارت میں وزیراعظم کے عہدے کی ماہانہ تنخواہ ایک لاکھ 66ہزار بھارتی روپے ہے۔بھارتی میڈیا کی رپورٹس میں دعویٰ کیا گیا ہے کہ سلمان خان کسی بھی بھارتی وزیراعظم سے تقریباً 600گنا زیادہ کمائیں گے۔