۳خالصتان تحریک کے سب سے مؤثر رہنما ڈاکٹر امرجیت سنگھ نے 11 اگست کو شائع ہونے والی کتاب کی کھل کر حمایت کردی

۷سکھ برادری کے باوقار اسکالر ڈاکٹر امرجیت سنگھ کا آپریشن سندور کے حقائق پر مبنی پاکستانی کتاب پر مثبت تبصرہ ًسکھ آزادی کے سب سے طاقتور رہنما کی حمایت پر بھارت میں سیاسی حلقوں میں کھلبلی مچ گئی

اتوار 10 اگست 2025 18:00

ت*اسلام آباد(اُردو پوائنٹ اخبارتازہ ترین - آن لائن۔ 10 اگست2025ء)خالصتان تحریک کے رہنما کی آپریشن سندور کے حقائق منظر عام لانے والی پاکستانی کتاب کی پذیرائی،سکھ برادری کے باوقار اسکالر ڈاکٹر امرجیت سنگھ نے آپریشن سندور کے حقائق پر مبنی پاکستانی کتاب پر مثبت تبصرہ کرتے ہوئے خالصتان تحریک کے سب سے مؤثر رہنما ڈاکٹر امرجیت سنگھ نے 11 اگست کو شائع ہونے والی کتاب کی کھل کر حمایت کی ہے اورسکھ آزادی کے سب سے طاقتور رہنما کی حمایت پر بھارت میں سیاسی حلقوں میں کھلبلی مچ گئی ہے۔

ڈاکٹر امرجیت سنگھ نے لکھا ہے کہ بھارت نے اپریل میں پہلگام میں فالس فلیگ آپریشن کر کے پاکستان پر جنگ کا بہانہ بنایا،چار روزہ جنگ میں بھارت کا فوجی وقار اور سفارتی ساکھ خاک میں مل گئی،بھارت 35 ممالک میں ایڈہاک ڈیلیگیشن بھیج کر فالس فلیگ چھپانے کی کوشش کرتا رہا، پاکستان کا عسکری اور سفارتی رتبہ عالمی سطح پر مزید بلند ہوا، ڈاکٹر امرجیت سنگھ نے لکھاہے کہ بھارتی حکومت اور جھوٹ پر مبنی بھارتی میڈیا مسلسل جھوٹا بیانیہ دہرا رہا ہے۔

(جاری ہے)

تحقیقی صحافی احمد حسن العرابی اور مرتضیٰ سولنگی نے ''The War That Changed Everything'' کتاب میں سچ بے نقاب کیا،11 اگست کو شائع ہونے والی کتاب پہلگام اور دیگر واقعات پر مبنی اہم شواہد سامنے لائے گی۔ ڈاکٹر امرجیت سنگھ نے کہا کہ 20 مارچ کو چٹھی سنگھ پورہ میں 35 سکھوں کا قتل عام بھارتی ایجنسیوں کا کھیل تھا، پلوامہ واقعے میں بھی بھارت نے اسی کہانی کو دہرایا، پہلگام کا واقعہ پاکستان کے لیے بھارت کو سبق سکھانے کا تاریخی لمحہ ثابت ہوا، آئی ایس پی آر کی بریفنگز کے حقائق اب کتابی صورت میں بھی دنیا کے سامنے لائے جا رہے ہیں،کتاب کے شائع ہونے کے بعد حقائق عالمی سطح پر آشکار ہوں گے، ایک مرتبہ پھر بھارتی میڈیا ڈاکٹر امرجیت سنگھ کے بیان کو متنازع قرار دینے میں مصروف ہے۔

عالمی سکھ برادری میں ڈاکٹر امرجیت سنگھ کے بیان پر وسیع ردعمل، مودی سرکار پریشانی کا شکارہوگیا ہے۔