استحکام پاکستان پارٹی کا ضمنی انتخابات میں حصہ لینے کا فیصلہ

فیلڈ مارشل عاصم منیر کی بدولت پاکستان کو بے پناہ پذیرائی ملی، عبدالعلیم خان

پیر 11 اگست 2025 19:33

استحکام پاکستان پارٹی کا ضمنی انتخابات میں حصہ لینے کا فیصلہ

لاہور (اُردو پوائنٹ اخبارتازہ ترین - این این آئی۔ 11 اگست2025ء) استحکام پاکستان پارٹی نے ضمنی انتخابات میں حصہ لینے کا فیصلہ کرلیا۔ استحکام پاکستان پارٹی کی سینٹرل ایگزیکٹو کمیٹی کا اجلاس صدر عبدالعلیم خان کی سربراہی میں ہوا۔ عبدالعلیم خان نے اجلاس میں فیلڈ مارشل سید عاصم منیر کو بھرپور خراج تحسین پیش کیا اور کہا کہ پاک فوج کے سپہ سالار کی بدولت پاکستان کو عالمی سطح پر بے پناہ پذیرائی ملی۔

عبدالعلیم خان نے کہا کہ بھارت کے خلاف مختصر جنگ میں پاکستان کو تاریخی کامیابی نصیب ہوئی۔ پاک فوج کو اللہ تعالی نے عزت عطا کی۔ شہدا ہمارے سکھ کیلئے اپنے بچوں کو یتیم کر رہے ہیں۔ پارٹی رہنمائوں کو شہداء کے خاندانوں سے اظہار یکجہتی کرنا چاہیے۔اجلاس میں الیکشن کمیشن کی جانب سے انٹرا پارٹی انتخابات کی توثیق پر اظہار مسرت کیا۔

(جاری ہے)

عبدالعلیم خان کا کہنا تھا کہ استحکام پاکستان پارٹی کے 8اراکین کی اسمبلیوں میں موجودگی اہمیت کی حامل ہے ۔

سیاست میں حالات تبدیل ہوتے رہتے ہیں۔صدر استحکام پاکستان پارٹی نے سیلاب زدہ علاقوں میں پارٹی رہنماں کو موقع پر پہنچنا چاہیے۔ سب دکھ سکھ کے ساتھی ہیں ، پارٹی کو مل کر مضبوط کریں ۔ استحکام پاکستان پارٹی نے شاندار عوامی اجتماعات منعقد کئے ۔ آئی پی پی کا آئندہ معرکہ حق کنونشن فیصل آباد میں رکھا جائے گا۔سینٹرل ایگزیکٹو کمیٹی کی پارٹی کے مرکزی اور صوبائی عہدیداروں کی جلد تقرری پر مشاورت کی گئی، فیصلہ کیا گیا کہ آئی پی پی لاہور سمیت ضمنی الیکشن میں حصہ لے گی۔ کشمیر اور گلگت بلتستان کے انتخابات بھی پوری تیاری سے لڑے گی ۔اجلاس میں پنجاب حکومت کے بارے میں بعض تحفظات کا اظہار کیا گیا۔ اراکین نے تجویز دی کہ حکومت کو کسان دوست پالیسیاں لانا ہوں گی۔